[قيس شحاتة]

المشاركة الأصلية كتبت بواسطة رأفت ميلاد

هسة يا قيس أنا قارنتو مع هاشم صديق ولّ مصطفى سند ولَ الفيتورى .. خليها ساى

تعرف الدوش الله يرحمو .. كان مثال للشاعر المتمكن كأنه يتنفس الشعر .. أستمتع بحواراته البسيطة هو و أبو آمنة حامد .. طبعاً دى ما مقارنة .. فى حضرتهما الواحد بكون منفرط ومنفرجة كل أساريره .. مثال السؤال الوجهو ليهو المحاور فى الفيديو الجابو فيصل سعد .. عندما سألو عن أختيارو لحمد الريخ لأغنية الساقية .. ردو كان عفوى ولا يسبب أى أحراج لحمد الريح ..
حكى ناصر مرة هنا .. والموضوع كان أغنية سعاد أداء الكابلى .. عندما سألوهو قال (الكابلى الله يسامحو بهدلا لى)

رأفت يا ذوق ،،
من أكتر الأشياء ال ميّزت الراحل الدوش عن سواه من قبيلة المبدعين عموماً والعباقرة فيهم خصوصاً ، مُش مسألة التواضع العادي البعرفوه الناس دا .. الرجل كان أبسط مما قد يتصوّر البعض .. لم يعِش بين الناس نجماً ينتظر أن يرى بريقه في عيونهم ، بل كان (زول) .. مجرد زول سوداني خلاّق حد الجنون .. يكتب الشعر حيثما يخطر له (كديسه).. زي ما قريت لي زوجتو سعاد إنو كان مرات بكتب القصيدة في (الواطه) داخل غرفتو.. ومرات في صندوق السجاير بعد يجيب خبرو ..

الله أيها الدوش! الله أيها الدوش!