[مواهب عبد العزيز نقد الله]

المشاركة الأصلية كتبت بواسطة محمد مصطفي

تقبل الله يا مواهب .....
الحوار ما بشير للنية في مثل هذا
طبيعة الانسان في المتشائم وفي المتفائل
ودوماً نمشي علي هذين الضدين ......
اها
طبيعتنا ما متشائمين لكن ما بندس الحاجة وبنظهر خلافا
قسوة الجؤ ممكن هي الدفعت السودانيات لمثل هذا التعبير
والمقصود قد يكون انو بس الجؤ الليلة صعب .. ودي خلاصة الحوار
خلاف المصرية الترجمت جؤ البرد والمطر بي علامة قبول
وفي السنة ايضاً انو الحج من العبادات الشاقة
وانما الاعمال بالنيات برضو
بس اختلافنا الازلي مع المصريين عموماً ... حلاوة اللسان البمتازو بيها
اها
انتي بتتصنطي للناس مالك في الحج
تقبل الله منك ومن جميع حجاج هذا العام
وحمد لله علي سلامة الرجوع
برضو ما اطرقتي لينا لي النزلة التي تعقب الحج

ما عارفة اقول ليك ايه , لكن حكاية انو دايما نربط مشاكلنا وضيق اخلاقنا وتشاؤمنا بالجودى ما بتاكل معاى
وبعدين حكاية النو التعبير ما عندو علاقة بمشاعرنا دى برضو غريبة يعنى البيشتكى ويتضجر دايما هل بتكون دواخلوا لاضاجة بالفرح واذا بقت كدا كمان مشكلة اعمق وانيل من اللى قبلها
وبعدين حكاية لنو اتصنت على الناس دى ماهو كلامهم كان بى صوت عااااااالى وبعدين بعد طواف الافاضة ويعنى فقرب الحج ينتهى