اقتباس:
المشاركة الأصلية كتبت بواسطة قيس الصديق شحاته
اقتباس:
المشاركة الأصلية كتبت بواسطة hamza
ليه تضربي باحساسي عرض الحائط ؟
وتشككيني في نفسي ؟
واكون زي رايد وما رايد ...
واقول اما
ما وصلت احساسي
وما قدرت انفاسي
ولا عشقت مساماتي
او انت الاكيد قاسي .....
خليتني معاك نسيت نفسي
وما انتشيت كاسي
ووصلت مشاعري بالعكسي
ومحل ما امد راسي
بلقاك
تروق روحي بي طيفك
وتهل البهجة في دنيانا
وتعم الفرحة قلوبنا وديارنا
وتميس اغصانا بي جيتك
وتزهو ربوع مساحاتنا
وبيك تتسامي ارواحنا
وتشرق شموس ريدنا من ذاتك
وبي ذاتك
وفي ذاتك
واريدك واريد ذاتك ......
الظاهر -والله أعلم - انو الشتا البارد برفع حرارة الوجدان وبخلي الزول يفتّو ولا يبالي ..
ثم انت ذاتك شكلك مكسر شديد ياخ ،، و ..
كدا ما حلويا جميل!
يا قيس ياخي انت اهلك سموك علي عاشق عظيم ياخ فكيف تقول كلام زي ده ؟؟
المهم انا ح ارد عليك بمثل ما قالت الرائعة سلمي زيادة فيما اقتبسته ليكون توقيعا لي هنا في هذا البورد وهو يا صديقي انه:
مازال الوقت سانحا لابتكار ألوان لاتقبل الاندماج ، لها خاصية الامتصاص بقوّة.....(سلمي زيادة)