[الفاتح]

المشاركة الأصلية كتبت بواسطة ناصر يوسف

ياخي لكم إنتو بديعين ياخ

للناس المتخوفين من مسألة المحليات وشنو شنو دي ،، بقولها ليكم يا ناس ساره ومن لف لفها ،،، ما تدوا المسألة دي أكتر من حجمها ،،، والبلدية ولا المحلية أبداً ما عندها أي دخل بزول بيعمل أكل في بتو عشان يهديه لآخرين ،،،
السماية الواااااااحدة دي بيتدخلوا فوقها ؟؟؟ أبداً وطبعاً لأ ،،،
أها نفس الحالة إذن ،،،
وعليه أرحب بدمج الفكرتين الإنسانيتين مع بعضهم ،،،
من جانبي قد أنسق مع أهل الريف الشمالي لمدينة بحري بكامل الإحترام
واوسي يا عبد المنعم ،،، والوادي الأبيض ودبك وقري وغيرها من المناطق التي بها من يحتاج إلي كتاب ،،، إفطار ،،، زي مدرسي ..... إلخ

وعلي الوعد بأن آتي بالأجوبة علي كل التساؤلات حول ،،
كم عدد الطلاب المحتاجين لهذا الدعم الإنساني
كم يكلف ثمن وجبة الإفطار للطالب الواحد
كم زمن فترة وجود هذا الطالب بالمدرسة ( السنة الدراسية بتدأ يوم كم شهر كم وتقفل يوم كم شهر كم)
وأرجو من جميع الإخوة والأخوات المنسقين الآخرين بإنهم يعملوا برضو نفس الشئ

مع فائق إحترامي للجميع ،،، وههي سودانيات ،، لا أقول وقد دخلت ــــ بل تواصلُ إهتمامها في بحر الهم العام

شكراً ليكم كتير يا أحباب ،،، شكراً ليكم وربنا يجعل عملكم ده في ميزان حسناتكم وفي ميزان حسنات آباءكم وأمهاتكم وفي ميزان أخوكم الذي جمعكم هُنا في حب عمل الخير للآخرين

خالد الحاج الحسن

ربنا يتولاه بواسع رحمته

أللهم آمين يا رب العالمين

كويس عشان نمشي شوط أكبر.. يرجى من الإخوة والأخوات المشتركين في اللجنة التنسيقية إنو يخلقوا إتصالات مع بعض ، ويحددوا أقرب إجتماع عشان يضعوا تصوًرهم.. بالنسبة للأخوان/ات خارج السودان بإمكانهم مد الإخوة بال skype حقهم ، ويتواصلوا معاهم بالطريقة البيشوفوها مناسبه.
في إنتظار الأجوبة يا ناصر ، وألكز معاك الرباطابي أخوي ، خليهو يصحصح شويه..