[فتحي مسعد حنفي]

المشاركة الأصلية كتبت بواسطة آسيا حامد

يمكن أن (نجرح) شهادة إبن الشاعر أبو صلاح لإعتبارات معروفة .. ولكن شاعر في قامة أبو قرون كيف تتهمه بالكذب ؟ هل تعتقد أن لأبو قرون مصلحة يمكن أن يجنيها من سرده لما يعرفه من معلومات عن هذا الموضوع ؟
هل شاعرنا العملاق عتيق أيضاً كذاب ؟

معليش يا آسيا الكلام دا برضو لو قالو أبو العلاء المعري ولا ادريس جماع حأقول كذاب..عشان ما معقول عشان عندي احساس انو الاسلوب بيشبه اسلوب أبو صلاح أقوم أقول دي كلمات أبو صلاح..
سؤال بسيط ليه مادام بدوي عندو يقين انو الكلمات كلمات أبوهو ليه ما يرفع قضية ويثبت حق أبوهو وبعدين هل بالبساطة دي انو كلام معروف انو الكتبو فلان يجي علان ويقول لأ الكلام دا أنا الكاتبو تقوم جهة رسمية بنسبها ليهو لمجرد انو ادعي انها كلماته..فكروا بعقل يرحمكم الله..بعدين الموضوع دا أخد من النقاش وقت طويل في حياة أبو صلاح..طيب ليه أبو صلاح ولا مرة ما قال أنا الكاتب الأغنيتين. وكلام انو الوالد طلب منو أغنيتين عشان يزين بيهم ديوانو أفتكر مجدي رد علي النقطة دي والحكاية بقت زي حكاية عادل امام القال عايزين يشيلو العدة مع انو ما عندوش تلفون..مسعد حنفي ما عندو ديوان لكن عندو أشعار في كتاب أمير الأغاني ومن ضمنهم الأغنيتين ديل وكمان عندو فيهو أشعار تحت اسم أب قور الهو مسعد حنفي ذاتو..وكما قال مجدي أنا بضيف اني أتحدي أي زول يجيب دليل ملموس انو دي كلمات أبو صلاح.