[ناصر يوسف]

المشاركة الأصلية كتبت بواسطة عبدالمنعم الطيب حسن

يا سيدة امال
رجاءا خاصا جدا ان تتركي اسلوب الوصاية دا
وراجع نفسك ، والحنك العاضي دا ما بنفع معاي
انا حر وديمقراطي
انا ما يمليه عليه ضميري
وما محتاج ولن اقبل وصايا من شاكلة راجع نفسك
معليش لن افعل
وساكتب هكذا
والماعاجبو قدامو بحر المانش


النشوف البحصل لي شنو
والله صحي ....

طيب ماشي يا عبد المنعم يا أخوي
وكتين إنتَ رافض لأي وصاية
وشايف نفسك ديمقراطي وحُر
والما عاجبو اليمشي يشرب من البحر !!!!!!!!!!!

سَمِح أسمحي لي أقول ليك شئ مهم للغاية

مش في مثل سوداني بيقول :

إتنين لو قالوا ليك أضانك مافي أهبشها ؟؟؟

عبد المنعم عاوز أسألك أسئلة واضحة وبائنة جداً ،،

هل بتظن بإنك أعلي من كُل الناس ؟؟
أفهم من كل الناس ؟؟
أوعي من كل الناس ؟؟؟
إنت الوحييييييييد البتفهم وغيرك لأ ؟؟؟
إنت الوحييييد الصاح وغيرك لأ ؟؟؟

مالكم لا تحكمون ،،،
ومن تواضع لله رفعه درجة


عبد المنعم
أم التيمان
امال

وبأسلوب الوصاية كمان يا عبد المنعم ،،،
توقفوا جميعكم لو كنتوا بتحترموا كل الناس هنا ،،، توقفوا
توقفوا عن المهاترات ( وما عندها أي إسم آخر غير الماهاترات)
توقفوا الآن يا شباب لأجلكم إنتو في بادئ الأمر
توقفوا الآن لأجلنا نحن
توقفوا الآن لأجل من يقرأ سودانيات
توقفوا الآن لأجل روح أخوكم خالد الحاج عليه الرحمة والمغفرة
توقفوا بالله عليكم وكفي
إنَّا لله ياخ