اقتباس:
المشاركة الأصلية كتبت بواسطة خالد الصائغ
تحياتي بدر الدين
استوقفتني اليقينية العالية جدا هنا في إحالة مبتدأ حركة المكون الإسلامي في السياسة السودانية الي نميري و مايو في 83
لكن البالأحمر دي بالجد خلعتني 
لأنو بتعني مباشرة إنو قبال سبتمبر 83 الإسلام كان منفصل عن الواقع السوداني
بعدين الكلام ده لو الترابي سمعو بالجد حيزعل منك
لأنو كده بتكون عصرتا عليهو شديد جدا
اللهم إلا يكون في تصورك إنو الحراك البداهو الترابي في حديقة القرشي في اكتوبر 64
كان صوب قبلة أخري يعلمها
ثم إنو كدة إنت بتتجاوز تاريخ و فكر سياسيين كتار منذ الإستقلال
أين ذهب الأخوان المسلمين و شيخ صادق عبد الله عبد الماجد
و أين ذهب الحزب الإشتراكي السوداني و المرحوم بابكر كرار
ثم من ناحية اكثر أهمية
و في منتهي الموضوعية يا بدر الدين
السياسي لا ينفصل عن الإجتماعي بأي حال
و الإسلام مكون أساسي و رئيسي في الوعي السياسي و الإجتماعي للسودانيين
قبل أن يولد جعفر جعفر نميري
و قبل ان تندرج مايو في سيرورة السياسة السودانية |
خالد سلام ...
كعادة الشخصية السودانية قدرتنا على الاستمرار فى موضوع بعينه ضعيفة جداً
وها قد عدنــا ...
أعتقد أننى قد سطرت جملة ذات تقرير عالية بحتمية فى الحراك السياسي فى بعده الدينى بعد الاستقلال وليس لدي ادوات قياس كمية يمكن الاحتكام عليها والخروج بهذه النتيجة ..
فهى جاءت فى اطار الحقب التاريخية وهى قطعا ليست لها تاريخ إبتدأ وإنتهاء محدد بصورة قاطهة بل هلى تيار فى المجتمع ثقافى / سياسي / دينى / ادارى / نظام حكم / قوانين ...
ففى الحقبة الحيثة بعد الاستعمار الانجليزى وإعلان الحكم الثنائي على السودان استطيع أن اقول أن الدين تم إقصائه تماماً من التأثير على مجمل الحياة السياسية والاقتصادية فنظام الحكم الاستعمارى عمل على خلق شخصية سودانية عبر مناهج التعليم الرسمية فكانت النتيجة نموذج الانسان السودانى الانجليزى الثقافة والسلوك
ومنها الفلسفة التى قام عليها الحراك السياسي لمؤسساتنا السياسية جل الاحزاب السياسية ..
فكل الحركات المعارضة للسلطة الاستعمارية لم يكن الدين بعد رئيسى فيها ثورة 1924م بقيادة على عبد اللطيف / مؤتمر الخريجين / الجبهة المعادية للاستعمار / الجمعيات الادبية / المجلس الاستشارى 1948م ..
فهذا الحراك وسط الفئات المتعلمة كان اغلبه ذى طابع علمانى يفصل تماما بين الممارسة والعمل السياسي والدين ..فحزب الامة والحزب الاتحادى وحزب الشعب الديمقراطى لم يرفعوا شعارات ذات طابع إسلامى الا بعد إنتفاضة رجب / ابريل 1985م ..
_____
يستثنى بعد الثورات الشعبية من القواعد الانصارية فى ثورة عبد القادر ود حبوبة وثورة الامام السحينى ..