[فتحي مسعد حنفي]

المشاركة الأصلية كتبت بواسطة أحمد طه

ينصر دينك يا فيصل
تعرف يا فتحي ،، أنا بطني مابتبرد إلا يجي شبارقة يقر و يبصم بالعشرة إنو ده سيد خليفة ، لأنو (وكما يظهر من صورة الأخ شبارقة) إنو صغير في السن ، و بنى حكمو بتاع إنو الفنان الفي الصورة هو وردي من مجرد مقارنة بين صور قديمة ، بينما أنا حضرت حفلات للفنان سيد خليفة في الستينات و مازالت ملامحو القديمة مطبوعة في الخاطر
نعمنو كنت صبي الزمن داك ، لكن صبي مميز
و ما زلت أذكر بوضوح حفلة نهارية في ستينات القرن الماضي كانت في حدايق المقرن (في نفس مكان مدينة الملاهي الحالية) و أذكر جيداً إنو سيد غنى في ذلك الحفل أغنية (رسل لي هدية لطيفة)
و كانت ملامحو هي نفس الملامح الفي الصورة ديك

فيصل سعد شهادتو تعتبر (شهادة خبير)

أقسم بالله العظيم حفلة المقرن دي حضرتها لكن كنت قاعد في البار المكندش الفي المدخل عشان الحفلة دي كانت نهارية..وفي النهاية طلعت وما عارف ذاتو منو غني فيها.كنت قاعد مع زاهر خوجلي والمرحوم حسن كريازي ودا أكيد بتعرفو..حسن ود الداية البيتم فاتح علي ميدان المولد القديم في نمرة تلاتة..وكان معانا عصمت عباس أحمد فضل الله رحمة الله عليه توفي من حوالي سنتين في القاهرة..