[رأفت ميلاد]

المشاركة الأصلية كتبت بواسطة أبوجنزير
المحترم رأفت ميلاد

تحياتي



نعم بس للدقة كمان مش من الاسلاميين من كل الشعب السوداني ونقد زمان كان صمام الامان البمنع الناس وبخليهم يترددو من مهاجمة الحزب الشيوعي فهو راجل محترم الله يرحمه

للدقة يا أبو جنزير من الإسلاميين والإسلاميين فقط .. عدم الإتفاق لا يعنى الهجوم .. كدى ورينى واحد حزب أمة أو إتحادى شايل ليهو سيخة وضبح شيوعى .. بل دار الشيوعيين أرحب دار للجميع .. ورغم الشعب الذى تعنيه غير شيوعى .. أنحاز للشيوعيين فى هجمة الإسلاميين عليهم .. وهذه المرة لا تفرق عن غيرها ..

المشاركة الأصلية كتبت بواسطة أبوجنزير
قالوا التسوي تلقاه ودا حصاد افعالهم المشينة على مر الزمن في السودان يرتد سوء فعلهم عليهم يشربوا من نفس الكأس السقوا بيها الناس
يتباكوا على شهدائهم وهم ايضاً فيهم قتلة وسفاحين

حايمين بصورأعضاء الحزب الشيوعي الاعدموا في الأحداث دي ويبتزو بيها مرات ومرات يستجدوا بيها التعاطف ومرات يقشروها بيها ومرات يرفعوا بيها نفسياتهم ومرات ساي كدا عدم شغله

اها ناسهم ديل اعدموا عشان شاركو في انقلاب والانقلاب يا كاتل يا مكتول والانقلاب زتو كان على الناس الكانوا معاهم واختلفوا معاهم

اها الابرياء ديل ذنبهم شنو وكتلوهم ليه وليه سيرتهم منسية ودمهم مهدور سمبله كدا

الزعيق والمغالطه ديدن ممل للشيوعين وأصبح الناس متعودين عليه ومما تلاقي ليك شيوعي بغالط طوالي اعرف انك او الطرف النقيض للشيوعي صح

براهنو على غباء الناس والشعب الأن كله واعي ومتذكر وقوفهم مع الديكتاتور الهالك قرنق عليه اللعنة أيام التمرد وهتافهم الحركة الشعبية وعرمان قبل ايام وخذلانهم لي نقد لمن كتب ليهم حضرنا ولم نجدكم ولمن مات شيعه الشعب كله لأنه راجل محترم يحبه الله ويحبه الشعب قاموا قالوا ديل نحنا

هسع الجوطه دي بتأكد صدق التقرير ولي هسع كلام أبونوره ما أتاكد وأنا بتعقد أنه كضب ساي

هنا يا أبو جنزير كبيت نفسك كلها .. وجاى تتكلم عن عدم إنحياز أبو نورة .. تعرف رغم أنى أختلف معك فى كثير فى الجزئية .. ولكن رأيك مكفول ليك عندما تحكمه العاطفة ولا يهدد الحقائق .. فأنت تكره قرنق .. ولا تحب الشيوعيين .. وتعتقد أنهم يدعون الذكاء ويوصفون غيرهم بالغباء ..
فقط أنوه لك بأن أنقلاب هاشم العطا أستهجن بأغلبية مطلقة .. وذلك لا يحلل الأعدامات (الإنتقامية) والتصفية الجسدية التى حدثت .. كان يمكن أن يتم نفس الأعدامات بمحاكمات علنية وعادلة .. وكنا نكون فى غنى عن هذا الغلاط الذى نحن بصدده
لا تقول لى الإنقلاب هو قاتل أو مقتول .. هناك فرق بين أرض المعركة والأسرى .. إذا كان هذا هو (الواقع) فى كل الإنقلابات التى حدثت .. فتلك لست (الحقيقة) ..

المشاركة الأصلية كتبت بواسطة أبوجنزير
أبونوره كضب وأدعى أدعاء غير حقيقي عن مولانا علوب وسرق لسانه واتكلم بيه وحا اعتذر ليه لو أثبت هو ولا غيره هاتو برهان خليكم من الكلام الساي

والتقرير دا ياهو التقرير الحقيقي وكلام عثمان السيد وعثمان عبدالرسول صح

لا أعتقد أبو نورة ينتظر منك أعتذار لمنطق مثل هذا .. فأنت لم تقدم مستندات ودلائل كما فعل .. ليتنازل أحدكم عن رأيه .. فأنت لست الطرف الآخر ..
كلام عثمان السيد للأسف ليس سيد الموقف .. لأنه ليس حديثه وليس من الخبايا .. بل هو لأعلام حكومة نميرى .. وكان الطعن فيه .. لا يعنى أن يأتى بعد كل هذا الزمن ليبرر الماء بالماء ..
جدال أبو نورة فى شيئ آخر تماماً .. يقول أن القاضى علوب لم يصدر (موجزاً) للتقرير النهائى .. يمكنك مراجعة مداخلة بابكر عباس أعلاه .. فسؤاله لب الموضوع

المشاركة الأصلية كتبت بواسطة أبوجنزير
تداخلاتي يا أخ رافت هي ضد التغبيش ومحاولة حجب الحقيقة الواضحة لأي إنسان
ولترسيخ فهم أنو الناس تقبل الحقيقة وتعترف بيها وأنه يعرفوا نحنا في زمن الممكن يتحصل فيه طفل صغير في أقاصي رقاع الارض على التقرير بضغطة زر فقط لا غير

تحياتي

للأسف التغبيش هو هذا الفيديو .. ودعمته بيان بعنوان أكثر تغبيشاّ .. وبدأته بمقدمة عاطفية سيئة جداً أكثر غباشة .. وهى تجعل روح خالد الحاج طرفاً فى الجدل .. فيها أحراج وتعمد للمواجهة ..
نعم خالد الحاج زهد فى الشيوعية .. ولآن الشيوعيين كوادر منظمة بالأنتماء وليس بالأقناع (وهذا ما أعيبه فيهم) .. عندما يترك أحدهم الحزب يصير فى النقيض .. ولكن هذا النقيض (لا أعتقد) مثل خالد الحاج يجعله يناصر (التزوير)