[أبو دعد]

المشاركة الأصلية كتبت بواسطة ناصر يوسف

أبو دعد كيفنك يا الحبيب

بالطبع كثيراً جداً ما نتناول بعض الأمثال السودانوية
دون أن نعي مصدرها الأول
بيد أننا نتعامل معها في مُجمل قولها

في يوم من الأيام وكنت مع أحد الأصدقاء ( جلسة كوشتينة)
في منزلهم ،،،
قال لي ( ما تنزل ياخ ) وكان هو زميلي وكنا لاعبين 14 وِش
قلت ليه بشنو عاد يا أخوي ،،، بالقالوا حمد ؟؟؟

جداً ليه كان موجود في الصالون ،،،
بعد ما القيم إنتهي ناداني ،،، قال لي إنت قبيل قلت للطاهر أنزل ليك بشنو ؟؟ بالقالوا حمد ؟؟
قلت ليه آآآآي يا جدو
قال لي وإنتَ عارف القالوا حمد ده شنو ؟؟؟
قلت ليه والله ولا حمد ذاتو ماني عارفو هو منو
قال لي أقعد لي النحدثك بالقالو حمد ،،
وتيت تيت تيت تيت ( البجيبوها في الأفلام والكاميرا الخفية وكت يكون في كلمات وألفاظ نابئة ديك )

كدي تعالوا وأشرحوا لينا يا أجدادنا القدماء عن أصل الأمثال ومدلولات القول فيها وورونا الأسماء الفيها كمان بترجع لمنو

لكن أمثال ود أب زهانة دي ماها بتعجبني يا أبو دعد ،،،
أمثال مدعاة للكسل ،،،

إن غلبك سدها ،،، وسع قدها
الجافلات خلَهِن أقرع الواقفات

ولا شنو ؟؟

طبعا مثل القالو احمد...لا بتنساهو و لا بتحدث بيهو الناس
و العجب (شفقت بت.......)