[ناصر يوسف]

المشاركة الأصلية كتبت بواسطة أبو ساندرا

كتر خيرك يا ناصر ، أبيت إلا ان تكلل احتفائك الحار بالدموع ، اها هاك ليهن
تعرف انا امتنعت عن الدخول هنا متفاديآ هذه اللحظة
كنت قايل بكائي على كتف رجاء الحاج ، ثم على قبره ، سيعصمني لاحقآ
ماكنت قايل عندي تاني دموع

سألتك ربي ان تغدق عليه من فيوض رحمتك .. وتشمله بعميم مغفرتك
وأن تجعل الجنة له نزلآ

يا أبو ساندرا يا الحبيب

سألتني أختي نبراس يوم رحيل خالد وأنا بقالدها عادي جداً في الصحافة

إنت ما بتبكي ليه يا ناصر ؟؟؟
ما أجبتها لحظتها ،،،
وهي ما عارفه إنو دموعي يبسن وكملن قبال ما أصل الصحافة
وكملن وأنا بقالد في مهند الخطيب
وكملن وأنا بقالد في الطيب بشير
وكملن وأنا بقالد في بدر الدين في المطار ونحن منتظرين عكود
وكملن وأنا بقالد في عكود
وكملن راحن ياخ خلاص
إتحجرت الدموع يا صاحب
ربنا يغفر لخالد الحاج الجعل لي في الدنيا دي وطن آمن إسمو سودانيات

وحبابها عودتك هنا لبيتك مرة تانية يا الحبيب