[ناصر يوسف]

المشاركة الأصلية كتبت بواسطة الجيلى أحمد

أعتذر لنفسى فى البدء,


وللعضو ود الخير ,
وللجميع
عن هذا الخطأ الفادح..
ولن يجدى تبريرآ يرضى النفس أمام هذا الجور الذى قمت به ..

شكرآ لكل من كان حادبآ على أن تستمر قافلة سيرنا فى الحياة دون تجنى وتعدى ..
شكرآ للصحاب الذين قومونى بحد الكلمة وسيف المناصحة...

ولنمضى قدمآ..

أبلغ مداخلة عبر هذا البوست وتماثل مداخلات أخريات لرأفت وكيشو مثلاً مثلاً ،،،

إشارات سريعة لبعض الأقلام:

طارق صديق كانديك:

يا الحبيب ،،، ياخي لا تُحَمِلَني ما لا طاقة لي به وما ليس لي فيه سهمٌ ولا يدُ ،،
تحياتي وأشواقي

عبد العزيز خطاب ،،،
ياخي بالغت فوقها والله ( عليك الله أفتح ليك بوست وسميه ،،
تفكيك الإدارة أو أي إسم تاني ،،،

عملتني مُتآمِر و شنو شن داك ماني خابرو )
أحييييييييييييي أنا ياخ وأخخخخخخخخخخخ

جيجي:

تعرفي أنا في حياتي مُكجِن البني آدم البيبرر لأقوالو أو أفعاله بأي شكل ،،، وخصوصاً لما يزنكوه في خانة اليك ويكون عااااااااااارف نفسو غلطان لكنو بكابر ساكِت بس ،،، فشنو ؟؟؟ لااااااااازم يلقي ليه أي تبرير لأقوالو أو أفعالو ،،،
عموماً ،،، رمضان كريم ،،، ومن يتق الله يجعل له مخرجا ،،، الله يهديني ويهديك ،، قولي آمين .. ودي دعوة صادقة والله
( أنا ما عارف نحن الواحد لمايقولوا ليه ربنا يهديك بيشوفها زي النّبَّذُوه ليه ؟؟ )

قيس شحاته:

يا أخوي يعلم الله ليس بالضرورة إنو الزول يرجع لأي حرف كتبو عشان يوضح أكتر مما هو كتبو في الأول ياخ ،،، يعني ،،، مافي إلزام يعلم الله ...
ياخي حوار شنو العاوزني أجي أحاوره هنا ده ؟؟؟ وهو هنا في حوار عليك الله ... ما كُل زول جاء ودفق موية كلامو هنا ده ومن زاوية رؤيتو الخاصه بيه ياخ وبس... وبقت في مواضيع شتي ومختلفة داخل عضم المفترع ده ،،،
تعرف يا قيس يا أخوي ... نحن إتعودنا إنو ينفتح بوست ما عن موضوع ما ،،، فجأة يجيك واحد يمسك ليه كلمة يلف بيها رقبة البوست ويحول مسارو 380 درجة لفجات تانية بعيدة كل البُ‘د عن قول البوست الأساسي ،،، وبرضو تقول لي حرية تعبير وإبداء رأي وديمقراطية وحوار وشنو شنو !!!!!!

ياخي أقول ليك حاجه وممكن تزعلك مني ،،، أقسم بالله العلي العظيم مافي شئ بيلزمني إني أرجع لأي زول هني ده ،،، عارف ليه ؟؟؟
مُش إستعلاء مني ،، لا لا حاشي وكلا ،،،
بس لأنوالبوست أضحي يحملُ مواضيع شتي شئ لا تحتاج مني شخصياً للرد والحوار والمحاورة ،،،
أي زول فيكم قادر يتحاور في محور تمَ طرحه هنا فليتداخل ويتحاور ،،،
فقط لا تزجوني في معتركات ليس لي فيها كبيرُ شأن ،،،

وده برأيي بقولوا بكل الصراحة والوضوح
مع فائق الإحترام للجميع وكفي

شكراً ليكم كلكم ياخ ورمضان كريم عليكم وعلينا ،،،



أها العيد مُعيد معانا هنا ولا في البلد ؟؟ ولا هااا أول عيد حيكون مع النسابة