[ماجد تاج]

المشاركة الأصلية كتبت بواسطة حجة امنة

أخيراً

لقيت لي فرقة و إنقشطت ورقة gap

من متابعتي لبوستات و مواضيع ام التيمان ( قريت كل المواضيع ، حتى المواضيع في الفترة الكنت غايبة فيها ، كل المواضيع gap )،
لاحظت إن أغلب
المتداخلين بيعرفوها شخصياً ، فهمت من مداخلاتم إنها شخصية
محبوبة و جميلة و بتترك أثر طيب في نفوس معظم الاشخاص او الاعضاء
القابلوها على أرض الواقع و ناقشوها في طريقة كتابتها .
انا كا عضو ما قابلت ام التيمان و ما ناقشتها في كتاباتها و فكرها البتتبناهو
و نادراً ما تجي تدافع عنو او تناقش المتداخلين بكون واقفه في حته صعبة gap
و ام التيمان بالنسبة لي ما الشخصية الجميلة الجريئة ( فيس تو فيس )
ام التيمان بالنسبة لي هي الفكرة المبهمة في سطرين .

و شكرن شعبي

المشاركة الأصلية كتبت بواسطة حجة امنة

ياأخوي ما تفطك كان فطتك gap
عااااادي ، حسع إتا ما هُوندا شغال فّططي تقيل و الحبة ما جاتنا
ثما إنو إتا قايل التاريخ دا بيكتبو كيف و بيبقى حكاوي ؟!
يعني انا عادي ممكن أجي بعد كم سنة أحكي
كان شفتو عامن أول لمن الحراية حِمت و فّطوني
واللهي عااااادي ماحصل لي شي
و ثما إنو ما تجيني بالحنك العاضي بتاع إنك ما داير تمط البوست
لانو البوستي دا شكلو ممطوط خِلقة gap

ـ




ذكرتيني عمنا الشايقي

مات ليهم زول قبال المغرب بشوية

الجماعة فيهم ناس قالو نشرب شاي المغرب حتين نمشي ندفن

عمك انفعل وقوم الشمطة لي رب السما

الجماعة سمعو كلامو ومشو الدفن

أها كل مرة يفتح الموضوع ما تراه المغرب عدا وما شربنا الشاي حصل لينا شنو

ما تراهو العشي جا وما شربنا الشاي راسنا انقطع

ما تراهو .. ما تراهو

واحد من الجماعة قال ليه يا حاج فلان انت قايلو بيجنن

ما بس بيكتر الكلام متل حالتك دي



يا ستي انتي وخالد الصايغ وقيس وضعتوا نقطة سطر جديد للبوست من بدري

قلتوا الكلام الممكن ينقال فيما يتعلق بالشق المتعلق بكتابات أم التيمان

وتبريرات المدافعين عن طرحها بي تمامو

هسي عليك الله زي كلامك الفوق دا الواحد يزيد عليه تاني شنو

اللهم الا يختم عليه لايك

ودي كان عملتها أنا تحديداً سيد البوست ياني المطيت حنان حنانه



لذلك اكتفيت بالتبسم

وعملت ليك أصبعي كدا ـ طريقة لايك ذااااااتا لكن في سري



لكن بتفق معاك الفط كان سوو الحاجات القلتيهن ديلك

ما فيهو حاجة





ـ