[رأفت ميلاد]

المشاركة الأصلية كتبت بواسطة همس الشوق
المربع التاني ياهو الواقفين فيهو دا الاسمو تحرير المراة وقضية المراة وما شابه
وعلى فكرة يا رأفت انا شايفه انكم كلكم فهمتوا جانيت غلط .. أبدا جانيت ما قاصدة الفهتوا دا قاصدة حاجة تانية بعيده كل البعد عن المعنى الاتفهم

والله دى حاجة تخوف كان بعتونا وأشتريتونا ونحن مسطحين

المشاركة الأصلية كتبت بواسطة همس الشوق
ثم انه أم التيمان لا يختلف أثنان في حسن مظهرها .. هي أمراة جميلة مافي شك
لكن دا ما محور نقاشنا هنا ...

والله أم التيمان ما لاقيتا إلا داخل المنتدى ده

المشاركة الأصلية كتبت بواسطة همس الشوق
والله انا بختلف معاك هنا يا رأفت
في دلالات كثيرة للأسف يا رأفت بحوط المراة في مجال الانثى ... والنظرة دي ليها اشكال كتيره وأبرزها التركيز على شكل المراة الخارجي ... البتستعين بيهو أم التيمان كثيراً في كتاباتها ..لانها واثقة لو تكلمت عن اي شي أنثوي كل البشرية حتتهافت على بوستاتها ... وللأسف ...... انا كنت بتمنى انه ام التيمان تكتب مدافعة عن المراة وتتحدث عن مواضيع وافكار تغير الفكرة المغلوطة الراسخة ...

زى ما قلت ليك أنا ما لاقيتا عشان يكون ليها تأثير خارجى .. وأعتقد نحن عدينا من التأثيرات الخارجية لرد الفعل لكن عندى وجهة نظر فى ضيق أفق المرأة السودانية (بفعل فاعل) .. رغم حظوتها بذكاء حاد .. المقارنة دى عملتها بالمرأة الأوربية .. فأتا لدى أعتقاد كسر حاجز الخوف مهم .. تعرفى المرأة التى أعجبتنى كمرأة كاملة سودانية وكنت أرقبها عن بعد (طبعاً) بإعجاب أقرب الى الحب (أمال عباس) .. ثقة وجرأة وأتخن تخين لا يتجرأ عليها ..

المشاركة الأصلية كتبت بواسطة همس الشوق
والله يا رأفت انا في رأئي الانثى يجب ان تكون أنثى وفقط .. ...

كيف يعنى ما فهمتها .. ما هى الأنثى أصلها أنثى .. منو الطلب تكون راجل .. أنا بقصد تكون كاملة الحق فى التعبير عن نفسها .. بدون خيارات الرجل المفروضة عليها ..
يوم فى المسالمة غدرنى جارنا الكوز وضربنى بى (سلفستار) سلك فرملة العجلة على ضهرى .. الدكتور رفض يعالجنى إلا بأورنيك البوليس .. عمتى زكية طيرت معاهو شكلة ومسحت بيهو الأرض .. لامن جبنا الأونيك كتب فيه (ضرب بآلة غير حادة) .. عمتى قرتا وقالت ليه (آلة غير حادة يا خول)

عمتى زكية من (أرجل نسوان أمدرمان) وكانت مديرة مدرسة الهجرة زمن كانت الهجرة ..