[QUOTE=رأفت ميلاد;476364]
والله دى حاجة تخوف كان بعتونا وأشتريتونا ونحن مسطحين 
والله أم التيمان ما لاقيتا إلا داخل المنتدى ده
[B][SIZE=5][COLOR=navy]QUOTE]
لا جانيت انا فهمتها صاح .. دي فردة ياخ ... والله تبيع وتشتري المنتدى دا كله بي مشاركة واحدة 
وأم التيمان جميلة وأنيقة مافي شك
اقتباس:
المشاركة الأصلية كتبت بواسطة رأفت ميلاد
[
زى ما قلت ليك أنا ما لاقيتا عشان يكون ليها تأثير خارجى .. وأعتقد نحن عدينا من التأثيرات الخارجية لرد الفعل  لكن عندى وجهة نظر فى ضيق أفق المرأة السودانية (بفعل فاعل) .. رغم حظوتها بذكاء حاد .. المقارنة دى عملتها بالمرأة الأوربية .. فأتا لدى أعتقاد كسر حاجز الخوف مهم .. تعرفى المرأة التى أعجبتنى كمرأة كاملة سودانية وكنت أرقبها عن بعد (طبعاً) بإعجاب أقرب الى الحب (أمال عباس) .. ثقة وجرأة وأتخن تخين لا يتجرأ عليها .. |
انا يا رأفت بشوف أنه مقارنتنا مع المراة الأوروبية غير متساوي الاطراف .... فالمراة العربية أو المسلمة على حد السواء بتحكمها قيود شرعية .. واجتماعية ... وعادات وتقاليد يجب المحافظة عليها ... وفي منظوري انه دا ما بحرم المراة حق الدفاع عن نفسها وعن إثبات كينونتها في المجتمع بس .. مع المحافظة على كل ما ذكرته أعلاه ... المراة الأوروبية لا تحكمها أي من هذه الاشياء ... لأنه كثير ما الأوروبيين لا دين لهم .. ثم أنه لا عادات ولا تقاليد .. في البعض من المجتمعات الاوروبية ....
وأكبر دليل على ذلك صورتك الفوق دي ... هل تفتكر الصورة دي دلالة جميلة او قوية من المراة لإثبات حقها ... وهل المطالبة بالحق بتكون بالطريقة دي ... ؟؟؟؟؟ امكن تقول لي بالنسبة ليهم عادي لأنه مجتمعاتهم كدا.
مره وانا في زيارتي لأختي في برايتون .... المساء كنت بره وجينا راجعين ... راكبين في العربية انا واختي وأولادها فوجئت بي شابين في الشارع الرئيسي ماشين ( يا مولاي كما خلقتني ) بتريضوا في الشارع ... طبعا أنا الوحيدة الاندهشته واستحيت ... لقيت اولاد اختي وحتى اختي الموضوع عادي بالنسبة ليهم .. وأولاد اختي هم القالوا لي ديل بتمشوا بدون هدوم عشان الجو حلو ..!!!!!!! عشان كدا بقول المجتمعات الاوروبية جداً لا تناسبنا ... والدليل على كدا كثير جداً من الاسرة بترجع مجرد ما يصل أولاها لمرحلة عمرية معينة ...
على فكرة يا رأفت هناك في فرق كبير جداً بين المراة البتطالب بحقها .. في حدود الادب والاحترام وبين الإسفاف ... انا ممكن اكون أمراة قوية ومتحرره واطالب بكل حقوقي ولكن بإحترام ودا معني كلامي الفوق انه الانثى يجب ان تكون انثي في كل الاحوال .. لانه انا بعتقد أنه المراة الجرئية والفاقد للحياء ليس هي بالمراة المتحرره أبداً ... والدليل على كلامي هو نموذجك للمراة الحديدية السودانية ( أمال عباس ). أمال عباس امراة متحرمة جدا بشهادة الجميع
اقتباس:
المشاركة الأصلية كتبت بواسطة رأفت ميلاد
|
ههههههه
هل هو ضربك لأنه كوز ؟؟؟؟
ثم أنه زكية تادرس .. عمتك
دي طبعا اسال منها مرافئ لانها كانت ناظرة عليها في المدرسة ...
سمعته عنها كتير .... وأنها كانت بألف رجل ... وأنه كل المنطقة التعليمية كانت بتعمل ليها ألف حساب
وانه بخروجها من المدرسة تدهور الحال