ادب ؟
فن ؟
إبداع ؟
تداعيات ؟
ما علينا
بشوية بحث هنا وهناك لقيت المفردات دي
اتلمت في صحف أو صحيفة مصرية
بتتعرض لموقف البرلمان المصري من
الفنانة روبي وطريقتها في استخدام جسدها
ومنعها من ذلك
طيب مع كتابة شحيحة للغاية
ومنفصلة عن أي صلة بحدث معروف زي الكتابة دي
تتوقع أنو القارئ يوغل من ذات نفسه ؟
ويكتشف الصلات والصواميل البتحدث عنها الجيلي في النص دا ؟
شان يشوف الفلسفة العميقة ال بتكمن داخله ؟
طيب إن سلّمنا جدلاً بأنها كتابة مشابهة للغة البسطامي والحلاج كمثال
موغلة في الرمزية وموجهة لفئة عالية الاستنارة في آن
الحزم الثورية العلمانية اللي أشار ليها الاخوة هنا
أو قارئي الكف والقنجان والمطلعين على سرائر أم التيمان وخفايا فكرها
إحنا العنقالة لقاطة القطن ديل مفروض نسلّم كدا بالامر ؟
ونقول لا أكيد ام التيمان ما قاصدة المعنى الجلي المتكشف من الالفاظ وتراكيب الجمل ؟
وأنها قطع شك دفنت سرها وفلسفتها في بير اللغة دي
حتى يأتي زمان غير الزمان
وناس غير الناس لتفكيك الرمز في عباراتها ؟
الواقع أنا ممكن من قراءة محايدة كل الحياد
وبصبر عالي على الحياد دا
أقول ياخ الكلام دا كلام عن الحرية
حرية المراءة في لبسها وفي مشيتها
وفي إطلاق ساقيها للريح
معتمداً على توهم المصدر الذي جاءت منه بهذا المزج الغريب
بين كلمتي المؤخرة وتزحف
ومصدقاً لتوهمي هذا بأنه ذو صلة بقضية روبي الفنانة المصرية
تفتكر إذا أنا يا استاذ رأفت قلت كدا على العلن هنا دفاعاً عن ام التيمان
كلامي مش ح يطلع مطابق تماماً لكلام الزول البيقول أنو الكلام دا فيه فلسفة عميقة ؟
ولكلام الزول البيقول أنو دا عملية هدم لجدار الصمت ؟
ومطابق لكلام الزول البيقول أنو دا دفاع عن حقوق المراءة ؟
بما فيها حقها في التصويت ؟
حقها في التصويت دي سمعتها منك انت وعملت كدا ؟
قلت بالله ازهري دا لي هسي ما أدى الشقية دي حق التصويت
طيب خلاصة للقراءة دي إن كانت تصلح للمسمى دا
دا استخدام مجحف للغة مستهجنة في موضع لا يشبهها ولا تناسبه
من يريد التحدث عن حقوق المرءاة لا يحتاج الى لغة صادمة للغاية
وموغلة في الرمزية المخلة بالمناسبة
لأنو حتى الرمزية بتحتاج من الكاتب أن يضع مفاتيحها بين يدي القارئ
والا ح تجي كلماته ـ كاستمناء فكري ـ غير منتجه
ـ