اقتباس:
المشاركة الأصلية كتبت بواسطة شليل
بالرغم من إني مابحب زول يفسر الحاجه الكتبها .. إلا إنو تصوير أم التيمان - إللي قالت بصريح العباره إنو اللغه بتخذلها - وقع لي كمتلقي عادي..و مشهد المعاقين الشحاذين ده شفناهو كتير في كم إستوب.. بيزحفوا على بطونهم وهم يستجدوا السابله ، أو بيبتكروا أي وسيلة عشان يستجدوك ، بالوضع الإتلقطتو من أم التيمان أوي بأي وضع تاني.. لكن الما وقع لي التهكم والسخرية من عدد كبير من المتداخلين.. الحاصل شنو.. في تصفية حسابات ؟ ؟ في عدم موضوع ! عيني فيها غباش ما زي عيونكم وللا الحاصل شنو !
أرهقتو أمهم دي بتهكمكم ومساسقتكم البلا طايل..
مش كان أجدى إنو تفكروا في معنى ومقاصد البوست ده بدل الحاجه البتعملوا فيها دي.. قدرتوا إلتقطتو حاجه فيها ، ما قدرتوا ما مشكلة شوفوا موضوع تاني
|
الفاتح كيفنك وكل سنة وانت طيب ....
انت كدي ورينا بعد فكرتا في معنى البوست شنو الجانب الفلسفي والعميق الوصلت ليهو ؟؟
ياشليل الفكرة عبارة عن فراغ كبيروعدم من الوصف ، فقولوا بقولكم او بعض قولكم ، ياخي ماتشككوا الزول في حبة التحليلية العندو دي ...
وفيما يخص السخرية يافاتح مااظن في مايعيبا واعتقد انو اعتراضك عليها ماعقلاني ، عشان مااقول عاطفي ، هي زاتا السخرية رأي ...
بالجمبة كده :
والله الفاتح حركتك العملتها في الخرطوم دي جبانة لكن بنتسداها
