عاين
النوقع ليك فيلم (الربيع العربي)
في سنة 2009 قامت ازمة اقتصادية عالمية ضربت الدول الغربية
قالوا دي هزة خفيفة وبتروح
جاء 2010 الوضع بقى سي جيدا اكتر من ما كان عليه
واميركا فلست عدييييييل كدة واليونان كبتو جاااااز
اها طبعا الخواجات ديل بحسن بصيرتهم ادركو انو الموضوع دا مستحمي
وانو طفيل الازمة الاقتصادية ما بقدروا يكافحوهو لانو طفيل نادر وقاتل
المهم فكروا ودبروا وادركوا انهم لازم يقعوا دول العالم الثالث
اها قاموا حكوا دقنوسهم دا وطلعوا بفكرة ابتكار الربيع العربي
او الديموقراطية السوقت ليها عمتنا كوندليزا رايس زماااااان (الشرق الاوسط الجديد)
والوهمة دي هي الاستعمار الجديد
اها قومي يا تونس ولعي
وقومي يا مصر ولعي
وليبيا واليمن
اها بعد ما بخوا ليهم هواء بارد تحت مسمى الربيع العربي
قاموا سحبوا عليهم ومسكوهم اكبر مواسير في الشرق الاوسط
اللي هم الاخوان المسلمين
مصر اخوان مسلمين , تونس اخوان مسلمين , اليمن ما اتضحت الصورة لكن شكلهم برضك اخوان مسلمين , ليبيا قاموا علموا فيها وهمة في شكل وردة وخلوها علمانية لكن هي تحت تحت اخوان مسلمين
(وبالمناسبة اصلن السودان ضاربوا ربيع عربي منذ اكثر من 23 عشرين سنة نظرا للنتائج الثورات في الدول اعلاه)gap
اها شوفت قام اللعب بقى جد جد في سوريا
لانو سوريا هي منطقة نفوذ روسي ايراني
وهنا قامت المشكلة الكبيرة الممكن تودينا لحرب عالمية تالتة
المهم قاموا الروس وقفوا الف احمر للامريكان وقالوا ليهم (هوووووووي جروا شخيط واقيفوا بعيد)
طبعا الامريكان وقفوا وهرشوا , موش خوفا من روسيا لكن خوفا من الوراء الدب الروسي الا وهو التنين الصيني
اها هنا قام شريط الربيع العربي اتعطل ووقف في المشهد السوري/الايراني/الروسي/الصيني
عليه يكون سبب فشل الربيع في السودان
انو المخرج عاوز كدة
المخرج عاوز يعمل فوكس في المشهد السوري
لانو حاسي انو المشهد دا اهم مشهد في فيلم الربيع
وبيني وبينك كدة
اظن لا وجود اي دور للسودان في الفيلم دا
اللهم الا ادوار هامشية قام بها الكومبارس السودان
ابان المشهد المصري لمن قعد يصدر الابقار والاغنام مجانا (طبعا علي حساب الريال القطري)
|