[محمد الطيب يوسف]

تعرفي يا ماريل
في حاجة كده غريبة مربوطة عندي بالكتابة واللهي اني لما أكتب بكون بي نصف عقل ونصف وعي حاجة كده يمكن تكون قريبة من الحضرة عشان كده لو قمت من نص بدون ما أتمو صعب تاني ارجع ليهو وغالبا مابرجع ليه نهائي
أها الحضرة دي من أهم مميزاتها إنك بتكتب حاجات ما بتكون عارف إنت قاصد بيها شنو بالضبط ؟
بالمناسبة جد جد أنا بقرا النص بعد ما أكتبو وانا خالي الذهن عنو بقراهو كأني شفتو أول مرة وقاعد اسال روحي طوااالي هسي الحتة دي أنا قاصد بيها شنو والنقطة دي معناها شنو ؟؟ وغالبا النص بتم إعدامو قبل مايطلع لأني بحس إنو ممكن يتكتب بي صورة أفضل وطبعا ولا بكتبوا تاني ولاحاجة ... اها جنس البتزوغ من الاعدام دي ياها بطلق صراحها هنا ,,,, بالله شوفيني قاصد شنو وكلميني معاك