[رأفت ميلاد]

المشاركة الأصلية كتبت بواسطة ممدوح أبّارو

جانا حصان جاري جري ...
راكب فيو سيدنا علي....
شايل السيف مع الفرار....
ماشي يحارب الكفار....
الكفار حطب النااااار....
هذا ما فاجأني به أبني ذو الثلاثة سنوات وهو يردد بلكنة تغلب فيها (اللام) علي (الراء) بعض أناشيد الروضة !!!
سألته : دا البدوكم ليهو في الروضة يا حمودي؟ فأجاب بهزه من رأسه ومضي يكمل إنشاده!!
سيرة آخر الخلفاء الراشدين تختزل في حمل سيف لقتل الكفار!وطفل ينشأ علي أهزوجات الحرب والقتل والدماء !
هكذا دارت الافكار برأسي.... هل يمكن أن يحمل طفلي هذا قنبلة ليفجر سفارة أو منشأة للكفار حطب النار ؟
لم أتمالك نفسي وأنا أضمه لصدري كمن يخاف عليه التوهان،، والحقيقة كنت أنا من يخاف التوهان بعد أن تأكد لي أن معظم الرياض بمدينتي لها نفس المنهج!

سجمنا يا ود أبارو .. دى قصة جايننا بعيالم .. ياخ فهمو على ماكتلو الكفار .. كتلوا السلفيين ديل ذاااتم

يا زول ما تشيل هم ألعب معاه مصل مضاد .. زمان كنا قلبنا على يدنا من ناس الدفاع الشعبى .. طلعو ناس حافظ حسين وآمنة حسين .. بالله شوف لخبتت الأسماء دى .. لكن شنو البلم القمرى مع السمبر

عليك الله نزل لينا المقرر كامل .. عشان نضيفو لملفاتم فى المحكمة الدولية

ثم مشتاقين ياخ