[محسن خالد]

يا وجدي يا صديقي العزيز
ياخي إنت كلامك دا دايرنا ننجز من خلاله شنو أنا ذاتي ما فاهم خليهو بابكر عبّاس
بالنسبة لكلام أمين، فقبله كان الأخ عبد العزيز قد طرح فكرة إنجاز مركز ثقافي يتخصص في هذه المادة الحضارية وأضفتُ لفكرته تكريس المركز لفك رموز ودوال اللغة المروية، من أجل جمع المواد الثقافية التي بوسعها المساعدة في ذلك، وتخليق ورش العمل المهتمة بذلك. وقدم الأخ عزيز تصوراً شفاهياً للمركز وأشرتُ عليه بالاتصال بمجموعٍ من الناس من ضمنهم بابكر، ولم يتقدم الموضوع لكثرة العراقيل التي يمكنها أن تعرقل مشروعاً كهذا، ففترت حماسة عزيز وحماستي، والله أعلم. وهي ما يشبه طرح أمين حين التقاني في السودان، وهذا كلّه لا يمكن إنجازه بالتبرّع والشيرنغ -نوو ويي- الموضوع يحتاج لمؤسسات ليها شنّة ورنّة، أم قلب، ويحتاج لكمية من التصديقات الحكومية، معاك في؟
فالحماسة يا وجدي سمحة لكنها بتدور المشهاد
فكدي خلينا نشوف أمين داير يقول شنو، ويا ريت نفتح بوست لأي مواضيع زي دي، البوست دا هنا زي ما سماهو حسبو مكان العلام، حسبو التاني ما جانا لعلام.
ولو تُوفيتُ فاكتبوا على قبري، هنا يرقد الرجلُ الذي حلم بتأسيس مكتبة تجمع الثقافات السودانية، ومركز بحث يعمل على فك رموز ودوال اللغة المروية.