[طارق صديق كانديك]

المشاركة الأصلية كتبت بواسطة بابكر عباس

أنا، حتى الآن، لا أستطيع إقناع أي جهة تمويل لتبني هذا "المبحث". حساب المغامرة (Risk) في انو كلام محسن دا، يكون خطرفة عباقرة ساكت، عالية جدا.
صحي يا طارق، ناس زي محسن دا، ممكن يحدثوا تغيير كبير في مسيرة البشرية، لكن نحن الماديين ديل، بنمسك في وسائلنا المٌختبرة قوي خالص لحدي ما نجبرو يردم جزء من المهوى البيناتنا في الفهم، وبعد داك ممكن نتحمل المغامرة في الصرف عليها.

المشاركة الأصلية كتبت بواسطة وجدي الأسعد الأسعد

واللاي يا محسن مشروعك دا ناشيونال جيوغرافيك زاتو ما بقدرو عليهو*
قلت لي نو واي شيرنغ؟!
يا راعي رسمي عالمي يا نكتب علي قبرك انك كنت عاوز وعاوز وعاوز؟!
دحين ما عصرت علينا يا اخوي بالحشكة الحشكتها لينا دي؟!
يعني فيها شنو لو ناس دقت شيرنغ ومن القروش دي تم تجهيز بعض عدة الشغل (عربية , معدات رحلات خلوية , كاميرا فيديو , كاميرا تصوير فوتوغرافي , لابتوبات والخ الخ)
وتوفير رواتب ومصاريف فريق عمل (سائق, مصور, فني اضاءة, خبراء اثار) مع توفير حق المعيشة لمدة ثلاثة او اربعة شهور في المناطق ذات الصلة بالمشروع
ومشى محسن ومعاهو الجماعة ديل وقعدو تلاتة شهور ينقبوا ويعملوا في اللقاءات مع سكان تلك المناطق ويستنطقوا الحجر والطير (طبعا دا كلو يكون موثق صورة وصوت)


اها دا يعتبر انجاز ولا ما انجاز؟!
وبعد تجمع الافلام دي وتمنتجها وتدعمها بالادلة والبراهين
بعدين ممكن تجي مرحلة الراعي الرسمي العالمي

وحتى لو ما لقيت داعم عالمي لمشروعك دا
ساعتها بتكون جمعت ووفرت ادلة عظيمة بالوثائق والبراهين

*لانو دا مشروع ح يقلب موازين العالم

والله يا وجدي انا متفق معاك في أهمية الإسهام في مشروع محسن خالد وكلامك يكيّف ورب الكعبة، لكن... ويا لهذه ال لكن الفجيعة .. المجهود المذكور فوق ده لو مسكنا :

خبراء اثار

دي براها، بتخلي الزول يشك في انو (الشيرنغ) يقدر يوفر خبراء لمهمة زي الشرحتها فوق دي، ويبقى لابد من الراعي الرسمي وأن كِبر الشيرنغ.

طبعا دي واحدة من مهمات الدولة البتحترم تاريخها ومواطنيها، ونحن اكيد قنعانين من خيرا فيها.

cc بابكر عباس