وبعدين ياماجد انت قايل الكوزنة دى هى انتماء لحزب؟ ياأخى أى زول داير يجغمس الدين فى السياسية بهذه الطرق الملتوية, هو لايقل شأنآ فى الجرم الشنيع من أى كوز بيلعلع وماعارف هو بيقول فى شنو أو بيردد فى شنو!!
الدين دا خيار شخصى بحت ياماجد, داير تخش ليك كنيسة او مسجد او دير ولاَ داير تعبد ليك قصبة, هذه أمور شخصية وليست من علاقة لها بالمؤسسات السياسية وأمر الحكم وتداول السلطة..
يااخى انت قايل قعاد الجبهة الاسلامية السنين الطويلة دى من شيتآ هين!
ماياهو بى جنس الفهم الملتق دا..
وبعدين أيوا يااخى الاديان دى على مستوى الممارسة فى بؤر التخلف ترتبط بشكل مطلق بالجهل والخرافة..
هسه انت زعلان من الكلام دا فى برنامج الشيوعيين السودانيين وتشيل وتحمر فيهو!
كيف ياأخى تطلق بصيرة الرؤية اذا كان مجتمعك معمى بضبابية الجهل والخرافة والدجل والشعوذة؟
يااخى ماممكن يكون عندك برنامج دولة على مستوى المؤسسة السياسية بدون أن تفك ارتباط الدين بالسياسية..
|