[ماجد تاج]

المشاركة الأصلية كتبت بواسطة شليل

ثانياً : قصًة إنو الحزب يستهدي بهدي ماركس دي ، مغلفًه بكلام مغتت وفاضي وخمج ، دي إشارة رخيصه تانيه منًك ، لأنو المسلم البسيط العادي بيعرف إنو الايه النزلت في الكهف والأعراب بتاعة ( من يهدي الله فهو المهتدي ) ( المهتد) والبيتهدي بخلاف كده هو ضال .. لمن ترد إشاره مبطًنه زي ( يستهدي بهدي ماركس )دي بتجيني أنا كزول مسلم بسيط ضمنياً دلالات الضلال .. دي إشارة رخيصه منك يا ماجد.. ودي الإشاره رقم (2) بالمناسبه.. وبالرغم من كده حأرد عشان خاطر القراء البسيطين ، وما حأرد من زاوية الهدايه الحاشرها هنا ، بل من زاوية إنو الأفكار بتتحرك صعوداً وهبوطاً عشان تطاوع الواقع البتتواجد فيهو ، سواء واقع سياسي ، إجتماعي ، فكري ، إلخ

بتمنى إنك ترد على نقاطي دي .. عشان نقدر نمشي لقدًام.. بدل ما تحمًر لي كلمه كلمتين..
cc لود الخير

ـ


صباح الخير يا شليل

طيب بالنسبة للاشارة الرخيصة التانية :

مع أنو تدليلك على رخصها بيضيق مساحة اللغة ال ممكن نستخدمها للشرح

طالما أن إيراد كلمة مستخدمة في القرآن ممكن يكون دليل على الرخص والترفع

الحزب في الفصل السادس ( الثقافة الوطنية الديمقراطية ) قال ما يلي :

ان نشر وتعزيز الثقافة الديمقراطية يعتبر هدفاً محورياً من اهداف حزبنا ، اذ بها نتوسل لبعث الوعي الضروري لتحرر الانسان السوداني من الخوف والفزع من قوانين الطبيعة ، ومن غمة الجهل الذي تركه فريسة للاستغلال الاجتماعي ايا كان نوعه ، وللتعصب الاعمي ايا كان منشاه . نستعصم في هذا السبيل بالفكر الانساني العلمي منهجاً واداة والذي يشمل فيما يشمل ما دشنته الماركسية من آفق للفكر والممارسة تحت عنوان التراث التحرري للبشرية ، ولا ننقطع عن هذا التراث بدعوى اصولية يسارية او شوفينية قومية .

ـ


ـ

المحرر استخدم كلمة برضو وردت في القرآن الكريم ـ الاستعصام ـ من اعتصم مش كدا ؟ ما علينا

المقصود أن الحزب ربط كشافات ماركس لتضيئ له طريقه في المغبة السياسية السودانية ، دا بيحتم على المهتم أن يرجع لكتب ومؤلفات ماركس وفهم ما يقوله

لفهم مكامن الاستعصام دي ومعانيها ـ أينما وجد هذه الكتب والمؤلفات صحيح ؟

شان يفكك على ضوءها طرح الحزب ويشوفو لافق معاه واللا ما لافق .. صحيح ؟

الماركسية والارتباط بيها كان وما زال مثار عصف تقيل داخل أروقة الحزب الشيوعي السوداني نفسه يا شليل وانت ما بيغباك الكلام دا ، بلغ الحال بالبعض من أعضاء الحزب وركايزه الى الانشقاق والانسلاخ من الحزب الاصل بسبب الاستعصام دا ـ ما بتحتاج لإيراد امثلة فيما أعتقد

طيب

بجانب تاني زي ما قال الجيلي فيما أعتقد ـ ما متأكد يا جيلي ـ أنه الحال بلغ حتى المنادة بتغيير المسمى نفسه بغية الخروج من محط الاشارات الرخصية دي

إذ كيف يمكن للعادي من الناس يا أخي أن يعود الى مؤلفات ماركس ويقرأها ثم يفلفلها ويقارن بين ما فيها وبين ما يقصده محرر برنامج الحزب الشيوعي حين يقول هكذا أنه يستعصم بأفكار الرجل ؟

الارتباط بين الماركسية والحزب الشيوعي السوداني مثار جدل يا شليل ؟

في الواقع لم يكن جدلاً بقدر ما كان محاولة للخروج من حالة التناقض التام والغير ممكن بين ما في أطروحات ماركس الملحدة والمنادية بوضوح الى جعل هدم الدين ككل ركيزة ، وبين خصوصية الحالة السودانية ـ عبد الخالق محجوب الراحل كتب عن هذا ـ وسأعود لإيراد ما كتبه فيما يلي بإذن الله ـ وحتى أعود . أتمنى أن تشرح لي العبارة التي وردت في نهاية الفقرة المقتبسة أعلاه من البرنامج والتي تقول :

ولا ننقطع عن هذا التراث بدعوى اصولية يسارية او شوفينية قومية .

ما هي الفاصلة التي أراد المحرر أن يثبتها هنا تحت الكلمات ؟

من الذي دعى الى الانقطاع عن هذا التراث ؟

وماذا قصد المحرر بتعبير أصولية يسارية وشوفينية قومية ؟[/COLOR]




تحياتي



ـ