[ود الخير]

المشاركة الأصلية كتبت بواسطة أسامة بابكر

مشروع غريب تقوم به ولاية نهر النيل بالاتفاق مع شركة لبنانية تسمى GLB..وذلك بالاستثمار مع هذه الشركة في اراضي خلوية تقدر باكثر من ثلاثين كيلو متر مربع ... مع العلم بان هذه الاراضي ملكية للمواطنين ولكن ما حصل بان الولاية اتفقت تماما مع الشركة مما جعلها تاتي وتبدا في مشروعها مع تغييب تام للمزارع والمواطن البسيط ... والامر الاكثر غرابة مما يجعل بان الاستثمار المزعوم لا علاقة له بالزراعة ... وهذه شهادات من هم بودحامد كتب خالد ادريس
" في إستفهامات كتيره منها بناء 750 وحدة سكنية يعني أكبر من ودحامد ودي مباني تكلفته عالية وأكبر من إمكانيات مشروع زراعي إذا كان مشروع الجزيرة أكبر مشروع للري الإنسيابي في افريقيا مافيهو 750
وحدة سكنية بركات مافيها 750 وحدة بعدين هم قالوا حايزرعوا أعلاف هل الأعلاف بتغطي تكلفة عالية زي دي غايتو في غموض والحكومة ماملكت الناس أي معلومة عن المشروع حتي في الإعلام مابجيبو وهو مشروع ماصغير207 الف فدان ماحاجة ساهلة كانما في سر أو شئ ماداين زول يعرفوا والزراعة هو غطاء لي شغل تاني "
وكتب اخر
" اذا مشيت زياره للمشروع تزور مناطق معينه وباقي الناطق مسوره بسلك وممنوع دخولها وعاملين ليها حرس وحتي لوجيت جمب السور ما ح تشوف اي حاجه لانو المساحه المباني والسور اكتر من 2كيلو متر "
" المشروع لشركة إسمها GLBوقالوا مديرها جنسيتة لبنانية في مساحة تقدر ب207 فدان غرب ودحامد من مديسيسة إلي الثورة كبوته تقريبا ويروي من النيل من ود الحبشي القديمة فيهو 750 وحدة سكنية وسور مخندق بمساحة المشروع ومطار داخل المشروع لكن في محلات داخل المشروع ممنوع الأقتراب منها ماعارف ليه"
الموضوع بشكل عام فيه غموض كبير وهناك شئ غامض ما موضح ...

مرحب اخ أسامة
ونشكرك على البشارات الطيبة دي
وبيني وبينك دي تكون هدية من الله لناس المنطقة دي
الأراضي عندنا من كثرة الناس ما بطرانة خالنها للعُشر*....حالنا حال اقاليم
كثيرة بالسودان بها مساحات ما مثتثمرة.

*العشرة المرطبة دي من ارض ج المشروع

[IMG][/IMG]