[هشام آدم]

المشاركة الأصلية كتبت بواسطة أسامة معاوية الطيب

هشام نحن جدليا نفترض معك أن القران كلام بشر فممكن أن يحدث فيه الخطأ صحيح ؟
فلماذا برأيك لم يقل ابن عباس لعمه الرسول ( سعادتك مسألة آزر دي بتجيب لينا هوا أعملا تارح ياخي في مقبل الزمان في ناس عكاليت حا يبقو لينا في رقبتنا) أو لعله قالها ورد عليه عمه الرسول ( يازول نحن ما دام اسي شغالين كويس ما بالنا وهشام ادم لي قدام ؟)

صدّقني يا أسامة سؤالك دا جميل ووجيه جدًا، لكن المفروض إنتا اللي تجاوبه. أهو القرآن باسم (آزر) موجود، وأهو تفسير ابن عباس باسم (تارح) موجود؛ إنتَ تفسيرك شنو للخبطة دي؟

المشاركة الأصلية كتبت بواسطة أسامة معاوية الطيب

شغلك في عمومو أضعف من أن يشحذ همة نقاش

فكرّة برضو ورأي

المشاركة الأصلية كتبت بواسطة أسامة معاوية الطيب

الرسول لا يعلم الغيب قت لي ؟ انت شكلك يا أما ما قريتني صاح أو ما داير

قالوا الموية بتكذب الغطّاس ..
الآية قدّامك، أقراها وأديني تفسيرك
{قل لا أملك لنفسي نفعا ولا ضرا إلا ما شاء الله ولو كنت أعلم الغيب لاستكثرت من الخير وما مسني السوء إن أنا إلا نذير وبشير لقوم يؤمنون}(الأعراف:188)