gap
اقتباس:
المشاركة الأصلية كتبت بواسطة هشام آدم
الإلحاد يقف بثبات على أرضية المادية الفلسفية، والمادية -كما تعلم- مرتبطة بالعلوم ارتباطًا عضويا
|
هي المادية الفلسفية واقفة بثبات عشان الالحاد يقيف فوق ليها بثبات
المادية كبديل للمثالية خصوصا اللاهوتية كانت مقسمة تقسيم تمام
طيارات قطارات كواكب الخ
ومافي اي مشاكل لحدي ما الناس غتست جوه الذرة وبدت المادة تختفي
وماتت المادية لكن العلماء(اغلبهم والماديين خصوصا) اتواكدوا(تواكدوا بمعنى نكروا
الجنازة ودسوا المحافير) وفضلوا خاتين جنازتم دي قدامم وممحنين
طبعا هناك من سكلجو وبكوا على موت المادية لكن الاغلبية اتواكدوا مع المتواكدين
ولما المثاليين شموا الخبر بدو يطلعوا في نظرياتم وغير المثاليين كالنظرية الطاقية وخلافو
وبداء شبح الكنيسة يطل برأسه(
)
جاءهم فولترون(لينين) واول حاجة عملا ضحى بالمتواكدين
وسفه احلامهم
واتهمهم بالفهم الميتافيزيقي للمادة والخلط بين المادة وبنية المادة وشبكم ليك الوعي
والامبسلين والسجنال تو
وقصقص الكم ريشة القامت للنظرية المثالية
وجانا بتعريف جامع مانع بحيث المادة دي كان طارت ماتجلي من تعريفوا دا
(واقع موضوعي خارج الوعي او كما قال فولترون) وكربا تكرّب جد
لكن من هول الصدمة والخلط الكان بين بنية المادة(فيزيائي) والمادة(كمفهوم فلسفي)
اصيبت بالموت الدماغي
ورغم المصايب الكتيرة اللتي رميت في بركة المادية الفلسفية لكسر الركود
واخرها الزير الرماهو روجية جارودي (النظرية المادية في المعرفة)
وسمعت انو منع نشرو او قراتو ماعارف بعد ان اعلن اسلامو مما يوحي بالوكادة
الفلسفية
وبعد ماجاتنا فيزياء الكم اصبحت المادية جنازة بحرgap
لكن فيزياء الكم نبشت لينا المثالية الذاتيةgap يعني احمد وحاج احمد
وقلبي محدثني انو احنا في عصر الوكادة العلمية الثاني لان المعلومات شحيحة
حول اخر تطورات فيزياء الكم يعني الموضوع فيو جنازة لكن حقت منو مامعروف
دا تاريخ المادية الفلسفية باللغة المحكية
ان شاء الله يكون السأم الجاك من البوست دا خفgap
عشان تخش في موضوع الاعجاز العلمي ويامرقناك من حفرتك دي يامرقناك منها