اقتباس:
المشاركة الأصلية كتبت بواسطة خالد غالي
سلامات يابروف
بصراحة ماقادر افهم انت قاعد تأذي في هشام آدم كده ليشنو ؟!
غضبتك في سودانيز ممكن تلقى ليها مبرر باعتبار انو هشام استفذاك لكن اسي البتعمل فيهو ده شنو ؟ وليشنو ؟ داير تصل ليشنو يعني ؟
معليش عارف انك حر في تصاريف حاجاتك .. لكن الا تفكر قليلا فيما يمكن ان تؤل اليه الامور ؟
المقدرة الفذة في الازية وقتل الناس بالكلمات دي قاعدين تلقوها وين .. وزي ماقالو الناس هناك لعادل عسوم .. نفس الناس القاعدين يسفو ويضحكوا في بوستك ده .. كيف يمكن ان تقول ماتقول ثم تمضي لتنام وانت لاتهاب شيئا ..
بالله عليك ماقاعد تخاف لمن تصيب انسان ايا كانت دوافعك في ميتينو من جووووووووة كده ؟ ماقاعد تفكر فيي احساسو في الجرح الممكن ابدا مايندمل ؟ وعشان شنو ذاتو ياخي ... ماهي الرسالة السامية البتستحق ده كلو ؟؟
عايز تثبت ان هشام آدم كذاب ؟ انو بيسرق كتابات الناس التانيين ؟ انو شوفوني وعندو امراض الدنيا والعالمين ؟؟
طيب اوكى افرض يعني ... هل من الانسانية فتح الجرح بالقسوة دي ؟ هل انت بتعالج يعني انت اسي ولابتتشفى ولا شنو يعني ؟ يا اخي مد يدك بالمساعدة ولو ماعايز او ماقادر تساعد اقلاهو لاتكون سبب فيي المزيد من الآلام
وين الحساسية الكنت بتطالب بيها في حادثة محسن خالد ؟ وين ياكلكم يالبتسفو وتضحكوا من كلامكم ايام ازمة محسن ؟ وين الاتساق ووين الاخلاق ؟
آسف يابروف لكن والله لاخير فينا ان لم نقلها .. ماتفعله هنا وماكنت قد فعلته هناك كعب كعب كعب شديييييييد
|
خالد يا حبيبنا الغالي ...
ياخي والله كتر خيرك علي كلامك ده ... و أي شئ بدفع في إتجاة إنو الناس تتناقش بالتي هي أحسن حبابو ...
أنا ملتزم بكلمتي لهشام و ح أرد عليك بعد ما نسمع منو ...
-----------
يا هشام تعال أكد لي انك ما عايز تعمل في روحك حاجة ... ما عارف ليه الفكرة دي مسيطرة علي !!