[فتحي مسعد حنفي]

المشاركة الأصلية كتبت بواسطة طارق صديق كانديك

صباح الخير على الجميع

وددت أن أشير الى الذين يوجهون حديثهم الى العضو هشام آدم بأنه موقوف ولا يمكنه الرد على مداخلاتكم.

تحياتي

ياخ حرام عليكم تحرمونا منو وتلحقوهو ديك مرت خالي..
خالي رحمة الله عليه زوجنه كان عندها ديك ما داير يشارك في مرتو أي كتكوت فكانت زوجة خالي بتطلع الديك من قفص الجداد عشان كان بنقر الكتاكيت في روسينم لامن يموتوا والديك بقوم ينطط في الحوش ويعمل قلق لي خالي الكان بحب يصللي بي رواقة والديك كان بيجي يلخبط ليهو صلاتو ..
يوم أنا راقد المغربية في الحوش وبيني وبين خالي حيطة والخال كان بصللي بي صوت عالي وأنا بسمع في قرايتو للقرآن والديك ما ليهو حس..أتاريهو الخال قبض الديك ودخلو القفص وبعد شوية النقير بدا في القفص والجداد يكاكي لامن زوجة خالي الكانت عندنا سمعت الدوشة وقالت تمشي تشوف الحاصل شنو..وأنا راقد وسامع الأفلام دي كلها ومتابع بشغف لغاية ما دخلت الخالة بيتم وقالت:سجمي الدخل الديك دا القفص شنو وأنا مرقتو قبال ما أمرق..في الوقت دا ك قراية الخال بقت بصوت عالي وبقطع وقامت زوجتو مرقت الديك في الحوش من القفص والخال قرايتو بقت أسرع لامن سلم وقال ليها: ياولية موش حرام عليكي تحرميهم من حنان أبوهم؟؟؟؟؟
هسة انتو موش حرام عليكم تحرمونا من هشام أبو عمرو وتحرمونا من ثواب الاقناع والهداية..