اقتباس:
المشاركة الأصلية كتبت بواسطة AMAL
كالعادة ياماريل بتدقي الابواب الصعبة
وترمي شباكك وتطلعي الدرر
كل التحايا ليك ولاشراقة
وياريت تختي لينا قائمة
بمصادرك الحتعتمدي
عليها للدقة والامانة العلمية
|
آمالى صباح الخير
واللهى يا آمال ما عندى مصادر غير قرايتى للوضع
عبر ما توفر لى من معرفة متراكمة يعنى مافى كتاب
اقدر اقول ليك هو مصدرى للمعلومة الفلانة مثلا هى
خيوط تجمعت عندى تراكميا يعنى فى معلومات من
كتاب حاج الماحى ومعلومات من طبقات ود ضيف الله
ومعلومات من مهتميين بالتاريخ امثال اخونا عثمان الحليبى
الذى اطلق على ابنته اسم (امانى ريناس)وعندما سألته عن
الاسم حكى لى قصة الملكة النوبية فدونتها عندى وكمان عندى
اوراق لى ندوات قدمتها فى الجامعة ايام كنا طلبة ومصدر المعلومات
الاتقدمت فى الندوة مثلا كان بحث يا اما فى مكتبة جامعة الاحفاد
او من النت او هكذا........
عموما مصادرى الان هى المعلومات المخزنة فى ذاكرتى ولو حدث
وادرجت اى معلومة خطأ فممكن اى زول عندو وثيقة يجى يصححنى
او يصحح المعلومة.....
وكمان برجع للنت واطابق المعلومات العندى بالموجود اذا كان لقيت
ما يطابق العندى فى النت يمكن الفكرة
دى تسد الثغرات الممكن تكون موجودة....
تحياتى واحتراماتى الوافرة يا آمال