اقتباس:
المشاركة الأصلية كتبت بواسطة alaa
اقتباس:
المشاركة الأصلية كتبت بواسطة الطيب شيقوق 
وحياتك - يا نبراس - كم وكم مرة افتح بوست للتعليق على كلام سمح و عندما أتلهم الكي بورد يقوم يجيني ليك ضيف صفوي تقليدي ( آآآآي صفوي تقليدي لانو الصفوية ذاتا صارت خشم بيوت) وهو يفتقر ثقافة التواصل الاسفيري ويروح يحكي لي عن فلان قال وداك قال وداك فصلوهو وداك عينوهو وداك راتبو كم وعييييييك . واخوك راخي اضانو يسمع في كلامو الفارغ ولسان حالو يقول ليتنا أنشأنا مدارس لمحو امية هولاء عن طبيعة التواصل الاسفيري .
بسم الله الرحمن الرحيم ده بديتو في الدردشة ولا شنو
ياخ انا لما افتح البوست ، وألقى عكود باهل ليهو صفحة كاملة ، اصر اقراها كلوووولها وأفتش كمان لتعليق السمحين والسمحات فيهو .
إتخيلي الواحد قفل ابوابو وجدع ليك البنطلون والبدلة بعيد ودرع العراقي السمح والسروال السمح والطاقية السمحة وبخر البيت بعود عبد الصمد القرشي وإتلهم كلام علاء الساخر وفجأة ينقر الجرس واحد مضقل سفتو نامن محنبكة ويحكل كراع في كراع ويجبرك تغير إتجاه كرسيك البدوّر على كل الاتجاهات لوجهة هذا الضيف وتسمع ساااااااااى وتقول آآآآآي آآآآي وجواك مولع نار - يا نبراس - من كلام الصفوي ذو الامية الاسفيرية وقلبك هنااااااك مع دفسيب علوية ود الاحمير في سودانيات .
انتو - يا نبراس - بجيكم الاحساس دا ولا ما بتتقبلوا اي ضيف بدون يحدد معاكم مواعيد مسبقة ولا بتتقبلوهو زي خالكم دا وبتموتوا بغبينتكم جواكم؟
بعدين - يا نبرو - زمان لما يجي الضيف خالك بقوم براهو بتلهم الباب عشان يفتحو وبستقبل الضيف هاشا باشا واتفضل اتفضل اتفضل يا زعيم وكدا .
لكن هسه خالك بيستقبل الضيف نااااااااااااااااايص .
دي العولمة يا خالتو؟
احكي ما تدسي الكلام السمح خلى الناس تتعلم من خبراتك المهجنة بكيفية إستقبالك الضيف بالطريقة التقليدية وإستقباله في عصر الاي فون والاي باد والجلسكي تاب والفايبر والتانجو وكمان ( ارخي لي اضانك ما يسمعوني) الفديو كونفرنسينغ عبر الاسكايبي .
دعونا نطرح هذه الظاهرة للنقاش الموضوعي الجاد .
بسم الله ده بديتوه متين
بس - انا خالكم - اعفوني من الجدية
زمان كنت بطنش من ام عبد الله وبمثل ليها اني مهتم بأخبار البي بي سي و مونتكارلو وكدا هسع عييييييييييييييك مش طناش وبس ، تغرق في الاسافير مساهر للصباح وعكازك جنبك والبقول بغم اكان ام عبد الله او غيرها يا ويلو . |
أها يالطيب وزي دا البنقل مداخلتك كوبي بيست وما يكتب ولا كلمة تبل ريقك تقول عليهو شنو
