[مبر محمود]

المشاركة الأصلية كتبت بواسطة أمين محمد سليمان

طيب يا مبر الزعل في شنو لمن بعض السلفيين يقولو نحن ما بنؤمن بالديمقراطية ؟! ما ياهو نفس كلامك ده .... و في نفس الوقت بعضهم خشو بيها الانتخابات و إرتضو نتائجها ... ح تقول ليهم لا ما صاح تخشو ؟!

يا بروفنا الفخيم، الزعل دا نحن أبداً ما ناسو، أي زول بجي يقول لينا علمانيتكم دي ما نافعة وكيت وكيت بنقول ليهو حبابك وبنقعد نناقشوا فيها لامن حمار الوادي يكورك، أصلاً الأفكار الوضعية دي نحن إنتخبناها لإدارة شئون دنيانا السياسية عشان بتتحمل لينا اللت والعجن والجغمسة، وهي بذلك تختلف إختلافاً تاماً عن المشاريع السياسية الدينية التي يدّعي أصحابها إنها تمثل الله. عن نفسي أرفض، وبشدة، إستثمار الله في الصراعات السياسية.

بالنسبة للسلفيين الذين رضخوا وسلّموا مؤخراً بالوسائل الديمقراطية العلمانية وأصبحوا يخوضون الإنتخابات متوسلين أصوات الشعب زيّهم وزي الناس التانين فدي حاجة مفرحة وليس فيها ما يدعو للزعل كونها ببساطة تمثل إنتصار علماني ديمقراطي مدني.