اقتباس:
المشاركة الأصلية كتبت بواسطة أمين محمد سليمان
زي ما بينت ... الاشكالية ليست في سرقة كتاب شخص آخر و تقديمو في شكل بحث فقط، الاشكالية في سرقة حتي تكتيك الكتاب و خلاصتو ...
مثلا هنا : ابورية يقول ( الكلام بالاصفر ) :
و يأتي آية الله عبدالله العلاف بنفس التكتيك لبحثو المزعوم و يقول :
كل العملو آية الله العلاف إنو غير ضمير الكلام من أبي رية لمبحثو المزعوم كما مبين بالاحمر !! و ادعي صراحة و تلميحا إنو الكلام حقو و التكتيك نفسو ( الأشارة لغزوة خيبر قبل الدخول في تفاصيل أبي هريرة ) حقو و راجع ليهو هو !!
هل دي صدفة أم أنها العليفة تمشي علي قدمين !! |
اسمح لي يا أمين أقول ليك و الله مداخلتك دي مضحكة
قلت لي عبدالله متبع نفس التكنيك بتاع الشيخ في الكتابة؟
يعني اتنازلت شوية من السرقة؟
بعدين اتباع تكنيك كاتب محدد اصلاً ما سبة و لا جريمة
اي ممكن يضعف النص و كدا لكن أصلاً ما سبة تجي تشتم بيه زول
و الله يا أمين عارفك بتحب ابو هريرة رضي الله عنه و بتقدسه
لكن أعفي جماهير شعبنا من هذا الحب القاتل يا خي....
عشان تساعد ابو هريرة و تثبت حبك ليه بيان بالعمل
امشي البوست الأصلي و فند كلام عبدالله موسي دا
بدل تمسك في قصص ميتة
تكنيكك زي تكنيك شيخك
و الملاحدة و المشككين يدهم خفيفة
أمشي هناك قول ابو هريرة دا ما كدا و جيب من بطون الكتب
زي ما عبدالله عمل ....
نقطة أخيرة المصادر الجاباها عبدالله في بوسته داك , كتابها مسلمين لا يهود مندسين و لا مسيحين ما راضيين عننا حتي نتبع ملتهم.... منطق غريب يجيبوا ليكم كلامنا زاته كمسلمين تقعدوا تبطبطوا؟
يا أمين ابشرك من هسي و معاك ببشر الكل اليومين دي قاعد اقرا للزمخشري والله حاجات تحير الغبي..... المهم بنتهي و بلملم بعضي و بجي بكتبها هنا يلا نشوف مراقاتكم حتكون كيف؟
يلا فتك بعافية و جاي تاني و تالت