[طارق صديق كانديك]

المشاركة الأصلية كتبت بواسطة حافظ حسين

امر عجيب يا طارق
أمين يوصف زول بانه سارق و ما يجيب و لا دليل , يقول لزول صعلوك و دا كله ما شتايم الشتايم عندكم كيف؟
و بعدين تعال نسألك وين عبدالله اعترف انه سرق و لا بتقروا كلكم بقيتوا بعيون أمين؟
عبدالله قال اكثر من 95% من الكلام دا منقول و في مراجع فوق شوف عيني مثبتة .... علي فكرة انا بتاع أحصاء و research methodolgy و عارف شنو بحث....
يا خي زول يصفك بسارق و كذاب و ما يجيب دليل ما بتتعدي شخصه تتعدي شخصك الجيران يا طارق؟

يعني يا طارق أمين إعتذر طوالي عبدالله يقبل الاعتذار و يدفع الجزية صاغر ... الاعتذار يا حبيب لسيد الخطأ ما للأرتكب فيه الخطا و الاخير له كامل الحق يقبله أو يرفضه ....

غايتو ما عارف عبدالله كتب شنو, الا تكون حاجة ليها علاقة بالاعضاء التناسلية و في الحالة دي طبعاً مفروض يحذف الكلام لكن يفضل كلام سارق و صعلوق قاعد بيرق فوق .... ان لله في إدارته لشئون

ياحافظ لمن تكتب موجهاً حديثك لي ، ياريت تكلمني طارق كانديك براي لا شريك لي في خطابك معاي قصة (عندكم كيف)، و (بقيتو تشوفوا) وحالة الجمع دي ما بتمشي معاي.

ثايناً: بالنسبة (لتعال النسألك) بفّضل ترجع تقرأ البوست تاني من الأول يا عرفت من وين جبتا كلامي ده ، ياكمان باصرت ليك عين زول تاني وشفتا بيها. وبالمرة شوف معاك قصة الصعلقة.

ثالثاً: قلت انت بتاع ريسيرش وعارف بحث يعني شنو، ونحن طير الله في سماهو ديل، المفروض علينا نسمعك ونقول ليك آمين ولا كيف؟ وقلت لي قال منقول؟ قالوا متين القول ده؟ قبل تدخل أمين ولا بعدو؟ لأنو ده عندنا نحن الماناس احصاء وبحوث بتفرق.

رابعاً: كتر خيرك وضحت لطارق كانديك كيفية التعامل مع الاعتذار.

خامساً: برضو شكراً لحافظ حسين الشايف انو الادارة غلطانة والتمس ليها في العذر الالهي، أهو برضو موقف متطور شوية.