[فيصل سعد]

توبة يا أحباب


توبة يا أحباب لو غشيت داركم
بس كفاي عذاب الضقتو من ناركم

مُش من الإنصاف تظلموا احبابكم
الواهبين الروح و ضحُّوا علشانكم
ليه كل يوم بسأل و أنشُد أخباركم
و النسيم عارف حالي و أحوالكم

بالله يا أحباب بي قلبي رحماكم
قصدتوا نسيانو و هو ما نساكم
ما بحب في الدنيا إلا إيّاكم
وريتو ايه الحب حبَّ فنياكم

ياريتنا يا أحباب ما هويناكم
ما عرفنا الحب و ما رأيناكم
يا أطبّاء الكون أشفوا مرضاكم
ديل أحق الناس بي سجياكم

http://www.youtube.com/watch?v=ZZtX2_9oXlU