[أبو جعفر]

المشاركة الأصلية كتبت بواسطة مها عبدالمنعم
انا غايتو من الناس العندهم اعتقاد في قصة التواصل دي حتي روايتي الاولي قائمه علي فكرة التواصل معاهم بطريقة ما
يس ياريت اهل الميت المسكين دا نبشوقبر الراجل كان عنده باقي عمر اهلو ماعاوزينو يعيشو اشان مايقولو بعاتي.

سلام بتنا مها وعساك بخير
ذكرتيني نكتة شيخ العرب الرسل لأهلو بوفاة أخوه .. المهم في أثناء التجهيز ... الميت حرك كراعه .. فقال له شيخ العرب .. ما كان حركت كراعك .. كان رقصت صقرية ياني الدافنك .. داير الناس تقول علي ما بعرف الموت.

طبعاً أصابك الشك نسبة لأنك لم تشاهدي عملية دفن .. ناس السودان ديل عليهم جنس غتاتة بيدفنوا الزول في حفرة شبر مليسة بالطين، فوقها تراب مسافة متر .. يعني أكسجين لجرادة مافي.