اقتباس:
المشاركة الأصلية كتبت بواسطة مهند الخطيب
صحيح ياأسامة ، آلان شيرر هو من قال ، سلغادو أدان القرار بعدم الصحة ...
جمال الشريف ده زاتو قبل التحليل في بداية المباراة قدم تقرير عن الحكم التركي حذر منو ، وجاب المرة اللي فابريغاس خنقو فيها من ورا اعتراضا على قرار ولم يحرك الحكم ساكناً ، جمال الشريف كان مرتبك في تحليلو وبراك شفت التمتمة وقال بالواضح ده تقدير الحكم وماقدر يقول انو القرار صحيح ...
قرار مقزز في انو سرق جهد فريق محترم بلعب كورة بس وماعنده شغلة بسياسة بلاتيني التي ذكرها في الشامبيون العام الماضي حين ذكر بالواضح انو يريد وصول ريال وبرشلونة للنهائي من أجل نقود الاعلانات وغيره من عوائد ...
|
الريال مرق ...خلي بلاتيني زاتو يجي يلعب عشان البارسا تتأهل
وجمال الشريف قال راي واضح وقال حتى الإنجليز نفسهم بيقولو للزول البيطير برجلينو الاتنين انو طلع برة الملعب ... وقال القرار صحيح وشجاع ... واتكلم عن تقديرية القرار لمان بدا الشتالي في مقاطعة - غير كريمة - يسرد فيها معرفتو للكورة اكتر من جمال الشريف
بعدين ياخي فريق يتأثر بطرد لاعب للدرجة دي ... زاتو ما جدير بالكاس ... فريق غالب ... وفي أرضو ... وبي خطة واحد تسعة واحد من قولة تيت ... وتقول لي كبير؟
القون التاني جاء نتيجة عشرين نقلة توجت بهدف !!!
ياخي انا بزعل بعد دا
