سودانيات .. تواصل ومحبة - عرض مشاركة واحدة

ام التيمان · 13-03-2013, 09:22 AM

اقتباس:

المشاركة الأصلية كتبت بواسطة ود البلد

صباحاتو ... ياحلو
تلفونك مابرد ... انشاء الله خير

مشيت قبل يومين وكعادتى عشان اعمل الفحص الطبى ( الدورى

ـ المصطلح دا نتيجة للتأثر البيئى المحيط

) ... بعد ساعتين اتصل على صديقى فنى المختبر ( عبدالرحمن ) ... تعال بسرعه ... بسم الله الرحمن الرحيم اكيد فى مصيبه تكون الكلى ياربى ؟؟؟ وصلته خايف ... والله الكلى دى ( موسيبه ) كبيره يادكتور ... نقعد من اسع نفتش فى المتبرع ... الله يلطف بينا وربك يسهلها علينا ... ( بعد خمت النفس وشحتفة الروح ) سألنى ... اكلته وشربته شنو الصباح ؟؟؟ شنو يعنى ؟؟؟ فول وبدل البيبسى الليله برتقال ... هووووى يازول سكريك دا والله ( فوق النخل ) ميتين وحاجه ... لاحولا ولا حولا ذى مابتقول بتى ... يازول السكرى مامصيبه كعبه الكلى ... بكره انشاء الله نظبطو ونجى نعيد الفحص تانى ونشوف الحاصل شنو ...

القصه الطويله دى كلها ( والله على ماأقول شهيد على صحتها ) من مصايب مانقرأه ... ونحنا ناس عندنا فولتات الحسس عاليه جدا" جدا" جدا"

والله خايف يادكتور لمن أم التيمان تكتب ليها موضوع تانى ... كريستالات الكلى تحصل ليها حاجه ... والموضوع البعدو ... يقومو يقطعو لى صباعات رجلى اليسار ... وهكذا ( دواليبك ) إلى أن يأخذ المولى وديعته ...

عرفته ليه ( انا شهيد أم التيمان ) ؟؟؟؟؟

وجدى الاسعد دا خليهو للحاجات الجميله ( مقطوعه للموسيقار العالمى YANNI ولا فيلم يقطع الخميره فى وش المره الزعلانه لجوليا روبرت ... وكدا ... يعنى دا فنان والفنان حساس ... والحساس عايز عروس والعروس عايزه التفاح ... وسووووق ياحلو

يشهد الله ( إنى اشتاقك بشده ) شوق السحاب الراحل ... وكدا يعنى

أرقد بعافيه

ياشهيدي الاول عشان انا مسؤولة مسؤلية مباشرة
من الذى سوف يحدث لك مستقبلآ من فشل كلوى و غيرو
سوف اتبرع لك بى كلوة

و ما خسارة فيك
ارقد عافية