اقتباس:
المشاركة الأصلية كتبت بواسطة سجمان
القِطنو الفلل ناعمات جلودهن صرفة
والشبه البلالي كتلوجو داير عرفة
من زولي المكندك مناي قلدة وكرفة
معجون من خُمر ونداهو روح القرفة
الزول الكشم قاصد أزاي بي حرفة
رضيان بي صدودو يزيد جراحي ويرفا
من غابت طيوفو دماعي حاكى الطرفة
دا الغاضب تساب وشتيمتو زي الطرفة
|
شكيتك اجت لقتنا فوق قهوتنا
اتداولنا أمرك وجرحك الماجفا
قلنالك مظلوم من الغبن فيك عرفة
ناصرنك ياحبيب من امدر للفة
أبات سماحن زين الليك طرفهن مارفة
باكر نادمات عليك نرجوك عليهن رأفة
أصلو الدلال واجب عليهن وعلينا نحنة الزفة
نرميلهن نم صبابة مافيه قول الصدفة
ياغريب في ديارا ماليك بيها العرفة
لابد من تعود ومن نيلنا تاخد غرفة