[لنا جعفر]

هو يعني اي زول زعلان في الدنيا دي ممكن يجي عادي ويبطن كلام واتهامات
قدر دي ولمن يروق يقول هو كان زعلان ومحموق ياعم فتحي؟؟
زعلان ومحموق دي ماعذر ولابترضي ضمير زول...
عم فتحي ياخ انت عندك اولاد بعمر حافظ ويمكن اكبر
مابتخاف عليهم لمن تقول كده للفي سنهم وزيهم ؟؟
ح تنام عادي وتخت راسك في المخدة ؟؟
ليه يجي ده منك وانت الزول الكبير سناً؟؟
ثم انه فاتحة شنو وقافلة شنو ورفعنا شنو؟؟
ده موش بوست حافظ ؟؟ ولا فتحتو انت عشان تطردنا؟؟
---
انا في الاول اتعاملت بعبث مع البوست واتخيلتها حساسية حافظ المعتادة
المصعدة الموضوع لكن بجد زعلني العذر الأستخف بينا نحن قبل حافظ
وقبل اي شي .....
التعريض بالناس مالعبة ياعم فتحي وبيتم التراجع عنها
شكلو كلامك صح يارشيدي...جو العبث كان ضار بحافظ حسين وبالحق والأصح الناس تتش عين الضلام بالضو
وبعتذر ليك ياحافظ على رأس الأشهاد عشان اساءت تقدير
حجم الأذى اللي نالك ونالني معاك كوني قريبة منك