[أمين محمد سليمان]

الجيلي يا أخا العرب ياخي

المشاركة الأصلية كتبت بواسطة الجيلى أحمد

طيب ياأمين,
كيف يمكن لانسان يحاورك حوار عقلانى وانت شايل ليهو سكاكينك, وفى أى لحظة من الحوار يمكن تطير رقبتو وتنتهى من فكرة وجودو فى الحياة, بس لأنو خالفك الرأى؟

أى انسان يؤيد حد الردة لايمكن ادارة حوار معه عن أى مفهوم للحرية

المشاركة الأصلية كتبت بواسطة الجيلى أحمد

ياأخى دا زول مرق من الحيز بتاعو, ودخل فى حيز الغاء وجود الآخر,
كيف يبقى معتقدوا؟؟
الزول دا يمشى يطبق فى روحو أى حاجة عايزا, الله يمهل عليهو ويسهل,
لكن يجى يلغى وجود الىخر فى الحياة عشان غير ديانتو أو رايو, بيبقى انسان لاتصلح الحياة السوية معه تحت سقف وطن واحد أو كون يعتمل بكل مسببات التغيير اليومى..

ياخي المسألة - بالنسبة لي - مسألة معتقد، إذا تأكدت إنو في حد ردة في الاسلام فأنا معاهو، زيو و زي باقي المعتقدات . و زي ما قلت لبكة أنا لم ابحث في مسألة حد الردة لكن وريتك وجهة نظري في الأمر .
بعدين شايفك تاني بتردد (شايل ليهو سكاكينك, وفى أى لحظة من الحوار يمكن تطير رقبتو ) رغم اني وضحت ليك إنو الفكرة ما كدة حتي لو في حد ردة ( أرجع لمداخلة ماجد لانو فصل الامر ) .
بالنسبة لي لو في زول إرتد ما عندي معاهو ( كمواطن ) غير النقاش بالتي هي أحسن حسب ما الدين بقول يبقى ما عندي سكاكين و لا بطير رقبة زول .
-----
رأفت يا حبيبنا

المشاركة الأصلية كتبت بواسطة رأفت ميلاد

والله أمين النقاش فى حد الردة محسوم ولا توجد أى أمتدادات للنقاش (فى أعتقادى الخاص) .. لأن الطرف المرتد لم يمارس أى خطأ لقانون البشر للحكم عليه .. ليس مثل السارق أو القاتل أو أى مخالف للقانون .. أعتقاده مكفول له تماماً فهو خياره الخاص جداً .. يستحيل يكون عرضة لقانون بشرى يحدد نهاية وجوده البشرية .. فأعتقد فعلاً هو ساقط من النقاش ..

بعدين هل هو حد مذكور فى الدين أم نبع من حروب الردة

كلامك ده مفهوم و واقع لي تماما باعتبار إنو معتقداتنا مختلفة، يبقى نقاشنا هنا ما بكون منطقي لانو مرجعيتنا مختلفة.
بالنسبة لسؤالك (هل هو حد مذكور فى الدين أم نبع من حروب الردة) فما عندي إجابة لاني ما تقصيت الأمر باعتبارو ما حاجة مهمة بالنسبة لي، لكن زي ما وضحت لبكة و الجيلي إذا ثبت لي إنو الاسلام فيهو حد ردة فانا معاهو .
-----

المشاركة الأصلية كتبت بواسطة بابكر عباس

سؤال لأمين، كيشو ومُحب
كيف حسمتم أمركم مع دينكم؟ بمعنى آخر كيف تأكدتم بأن الدين الذي تدينونه هو الدين الحق دون غيره من الأديان الأخرى؟
لو الوراثة عندها أكثر من 70% في الحسم دا؛ عافي ليكم الإجابة

يا بكة ياخي أمين شايف إنو معتقدو صاح 100%, و كذلك محب و كيشو و من في الارض جميعا ... كل زول حر فيما إختار و كل زول ح يدفع تمن خياراتو دي بغض النظر عن إنو الخيارات دي جات نتيجة شنو .