[جيجي]

المشاركة الأصلية كتبت بواسطة زول خرافي

فتحت الباب
وجمب الباب وقفت شوية في
الشارع
وباب جيرانا كان مفتوح
وظاهر انو زول طالع
وخلف الباب لمحت التوب..
بلعت الريق .. ﻷني كتير بعرف
التوب
وجوة التوب لقيت الزول
وظاهر انو دة المحبوب
معاه الجردل المليان
أكيد الموية مقطوعة...
حرام والله ألف حرام
حرام الزول يشيل جردل
ويقطع ميل عشان حمام
حرام والله الف حرام
عليكم الله شوفوها
وعشان عينيها ساعدوها
وعشان محبوبتي مابتقدر
تشيل الموية في جردل
عليكم الله شوفوها
مبهدلة كيف مع الجردل
تشيل حبة وتخت نفسا
وتخت حبة وتشيل نفسا
وتخاف من توبا يتبلبل
وتاخد لفة الشارع
وكل الشافا يتبهدل
عليكم الله شوفوها
معذبة كيف مع الجردل
حرام ياموية الف حرام
كرهت الموية من البلف حتي
الدش
ومن بابور مياه الحلة
حتي الهيئة
والماسورة
والنافورة
والصهريج
وموية النيل
وموية الزير
وخرطوش كابي في برميل
وحتي الغيمة لما تشيل . .
عليكم الله شوفوها

بهدلتنا معاك ياخ