[الرشيد اسماعيل محمود]

المشاركة الأصلية كتبت بواسطة AMAL

ووضع الدرجات فيه استاذية مابتشبه التقييم الادبي
ادونا النجيضة بدون تفاصيل
واطلعونا علي الصورة العامة بصياغة شاملة
يعني خلو زول واحد يصيغ الراي العام للاعضاء
وتقييمهم للنص ومتوسط الدرجات

سلام يا آمال،،
التفاصيل في ظني مهمّة وفيها فايدة ليس للمشاركين وحدهم، بل حتي للقرّاء المتابعين، وفكرة صياغة راي موحّد لـ لجنة التحكيم فيهو صعوبة كبيرة زي ما أنا شايف، عشان كدا، حيثيات التحكيم ضرورية، لكن الما ضروري هو حكاية الدرجات الممنوحة.
بفتكر إنو البوست يكون قايم علي فكرة أساسية واحدة، وهي الرؤية النقدية لأعضاء لجنة التحكيم، من غير ما تتكتب درجات التقييم، لأنو القارئ برضو بقدر يستنتج من خلالها ماهية النص المميّز علي حسب قراءة اللجنة.
عموماً:
فكرة البوست ممتازة، ومحفزة وبتدِّي فكرة عن الجهد المبذول والصبر علي القراءة الفاحصة من قبل اللجنة للنصوص ودي عملية مرهقة جدّاً، كونك تكون مطالب بالقراية ومن ثمّ إبداء الرأي في الشي القريتو.
عن نفسي؛ أدعم البوست بصورته الحالية، باستثناء كشف الدرجات الممنوحة لكل نص، لأنو مجمل الرؤية النقدية للمحكِّم، ممكن تغني عن إسعاف القارئ بالدرجات التي حصل عليها النص.

شكري لمشرف نوافذ وأعضاء اللجنة، وأتمني لو تمّت مراجعة فكرة وضع الدرجات الممنوحة للنصوص ( حذف السابقة، وإعفاء القارئ من اللاحقة) لو ممكن طبعاً.