العزيزه آمال ، وأمين..
بتفق مع الأخوان الرشيد ، وطارق في ضرورة تمليك القارئ التفاصيل ، لأنو دي الحاجه العايزنها .. هل قدر الكاتب إنو يمسك بلجام النص مرًه واحده ويحافظ على وحدة موضوع كتابتو ، وللا (جفل ) منها في بعض المرات ، خامة اللغة اللي إستعملها كيف ؟ شخوص القصة وعلاقاتم مع بعضيهم ، هل جات بشكل مجاني وللا بشكل مدروس ما خرج من سياق الموضوع ، التكنيك ، إلخ .. كل التفاصيل دي مهمة عشان نقدر نقيًم النص..
حول الراي القائل بعدم إرفاق الدرجات في التقييم ، يجد مني كل الإحترام ، وحأناقش فيهو الأخوان الفي اللجنة الفنية ، إذا أجمعوا على ضرورة إنو نحذفو من التقييم ، حأعمل على كده .. لكن عن نفسي شايف إنو القصة دي صعبة لأنو ما حنقدر نعرف النصوص الفايزة في المسابقة.. بناء على شنو ؟ ( الحبكه ، الموضوع ، وحدة النص ، اللغة ، التكنيك ) ؟ الترشيح ؟ السيستم ما إعتقد بيقبل بإنو الناس تصوًت على أكتر من 4 خيارات ؟
ممكن يكون في خيار وجيه ، بإنو أنزل الدرجات بعد نهاية التقييم ، ده إذا وافق الأخوان في اللجنة الفنية ..
----
هذا مع الإحترام والتقدير
|