حبيبنا منعم
انا عكسك تماما ارى انو حركة عكود
هي حركة شايقية علية عثمانية محمدية طهية
لانو حبيبنا الباشمهندس كان افضل من يقعد في العزيزة بتاعت المسئولين
فقام حبيبنا عكود بعمل دي عشان يبعد الباشمهندس
(احب الفتنة ياخ)
دا من جهة
من جهة اخرى بالجد دا برنامج عظيم ومبشر جدا بغض النظر عن نجاح تنفيذه ام لا
لكن زول يمتلك تصور وتجسيد بالشرح الحاصل في برنامجك الطرحتو دا
قطع شك انك حتنجز شغل يغير مفهومنا السلبي في روحنا نحن السودانيين
بالجد كدة نشد من أزرك (بس بالصفقة)
اها من جهة تالتة
في عندي اقتراحات علي برنامجك
الاقتراح الاول:
ان يخصص جزء كبير من الصفحة الرئيسية للصورة الفوتغرافية التي تحتفي بالشخصية السودانية وان يتم التنسيق مع مصوريين محترفين سودانيين في نشر بعض اعمالهم في الصفحة الرئيسية على ان يتم اختيار الصور الفوتغرافية بعناية لتعرض كل صورة لمدة تلاتة اربعة ايام مع وجود خاصية التعليق عليها اذا اراد بعض القراء طرح انطباعاتهم وتداعياتهم عن الصورة.
الاقتراح الثاني وسبق ان ذكرته في معرض تنظيري عن اقتراحاتي للصفحة الرئيسية الا وهو حتة المقالات دي، ارجو ان يتم الخروج عن نمطية المواقع الاخرى في تناول مقالات الصحفيين التي لا تغني ولا تسمن من جوع، واتمنى ان ننحو منحى مختلف بان نفتح الباب للمدونيين الهواة الذين يمارسون فعل الكتابة لارضاء ذاتهم (يعني مثلا زي ميسون النجومي) وانت ماشي
حتى لو تنشر مقالات وكتابات قديمة ذات قيمة عالية
احييييي زهجت من كتابة التلفون ابوخمشة يا قول مولانا كيشو
بس على العموم مع برنامجك دا انت موفق ولا محتاج دعواتنا زاتو
|