ياعبدو مساك خير وسعادة
ومرحب بيك ياعزيزي صوت حق وثبات وجسارة
ياعبدو ماصحيح خالص تشبه الحكومة بي لعب العيال
العيال بريئيين ومافيهم فساد وماكتالين كُتلة....ولعبهم برئ جداً
لعب العيال مابيصف الكيزان ومشايعوهم ...
لعب العيال كلام ماجاد وما بيُعمل بيهو وبيصدر من صغار
غير مكلفين وغير مميزين اصلاً
لكن الكيزان قاصدين اي نقطة دم سالت وقاصدين اي إفقار حصل
للشعب ده وقاصدين اي فساد حصل وهم المستفيد الأوحد والمباشر منو
قاصدين اي انهيار حصل للسودان وقاصدين تشويه الخلق والرب والدين
وقاصدين يبنو مستعمراتهم الخاصة فوق رقاب المعوزين والفقرا
والمرضى والجوعى والأحلامهم بسيطة
عادت ابو كرشولا ولا ماعادت فالبلد مرشحة لي مية ابو كرشولا
اها ح يقعدو يحتفلو كل يوم؟؟؟حيرقصو كل يوم ؟؟
ح يشربو الجنوب نفطو كل يوم ؟؟؟
لعب العيال برئ من فساد صبية الشيخ وربايبو
ولعب العيال يبرى ويستبرى من حماقات الدين السياسي
----
المدهش عند المنافقين سياسياً انهم يفرحو بي حروبات الجيش الحر
وجبهة النُصرة....ويؤيدو حقوقهم وينازعو الدولة السورية في سيادتا
ويساهموا في مقبرة الدول العربية في تجنيحا واصدار قرار نزع السيادة
عنها ...ويقولو ليك لحكومة السورية علوية بعثية كافرة واستعملت السلاح
ضد شعبها....ويؤيدو المروق على سلطانا المحمي بالمواثيق
ويجو يقولو ليك تجمع الجبهة الثورية متمرد!!!!
حركة العدل والمساواة متمردة
جبهة الشرق متمردة
ده نفاق غريب وانفصام مضحك ومرير وعدم صدق مع النفس والمبدأ والرب
يا جبهة النُصرة ارهابية ومعاها الجيش الحر ومتمردين
يا الجبهة الثورية والعدل والمساواة وجبهة الشرق واللي لسه ح يتشكلو ويتكونو من جبهات أجسام ثورية ثائرة على الظلم والبغي والفساد والتقتيل والتهميش
ومافيش ثورة احسن من ثورة ولا شعب ارفع من شعب ولا في كرامات موفورة اكتر من كرامات تانية
في زول شجاع يقول لينا منو الثوري ومنو كتال الكُتلة ؟؟؟
ولا ده عالم منافق ساي ؟؟؟
* الأسد حسب رأيي ديكتاتوووور وباطش بس الانقاذ ابطش منو
واكتر دموية ماثابت ليهو فساد لكن فساد الانقاذ مغطي عنان السما
* تقتيل المدنيين العُزل جريمة حرب وعار كبير لكن فكرة الثورة على الأنقاذ
فكرة سامية وبتليق بالرجال الجد جد
*الأنقاذ وحزب الشيطان اللاوطني هم اكبر مجرمي عصرنا
وبيستحقو العالم يدعم اي نواة ثورية لمحاربتهم ومحاكمتهم
لجرائمهم ضد شعبهم
ده عشان مافي زول يتاجر بي مواقفنا ...
كل المحبة ياعبدو وشكرا كتير ياخ
|