كيشو يا حبيبنا، سلام ياخي و لعلك بخير
اقتباس:
المشاركة الأصلية كتبت بواسطة كيشو
بمناسبة سؤال أخي صديق أعلاه؛ حبيبنا النور يوسف سمعت منو تعليق مؤداهو* إنو السودانيين ديل كدا؛ ولو حاولت تغيرم ما حتلقى سودانيين (ولعله قال: ما حيكونو سودانيين)
كلام النور لو قريناهو مع سؤال صديق يمكن نلقى لينا خيط جيد لمناقشة الموضوع
أما مداخلة الأديبة وهاد فهي تحتاج لوقفات مهمة وجادة
|
سؤال صديق يا كيشو جاوبنا عليه، و كلام النور ده جزء من مأساتنا، لانو ما ممكن نكون ماشين في النار و متجهين بخطى ثابتة نحو الجحيم و كايسين النجاة بدون ما نغير الطريق !!
و القصة كلها مبنية على وهمة اننا شعب الله المختار في حين اننا شعب الله المحتار !!
ياخي سئيلك الله يا كيشو، سمعت ليك ببلد ما فيها إتفاق على قائد تاريخي يجمع عليه كل الناس ؟!!
بعض السودانيون يشتمون الامام المهدي
و بعضهم يشتم الخليفة عبدالله
و بعضهم يشتم المك نمر
و حتى الأزهري و المحجوب لم يسلمو من الشتائم
من ناحية تانية لاحظ لمقدرتنا الفذة على لعن كل الأمم و الشعوب الأخرى و الحط من قدرها و عدم إستحمال كلمة واحدة عننا من أي شعب تاني، دي كلها أمراض يا عم كيشو لازم نتعالج منها غير كده ح نواصل مسلسل توريث الفشل الليهو ستين سنة ده !!
---------
بالجمبة اليمين : سئيلي الله أول مرة اكتشف إنو خالتك وهاد أديبة و عميقة جدا في هذا البوست، و بالتأكيد التقصير مني و منها هي ذاتها لانها مقلة و ما بتكتب كتير.
--------
و بالجمبة اللفت : عملت لينا شنو في موضوع الفاتح و ماجد ؟!
غايتو كان فشلت، فبالله أكره نفسك و أقيف براك لانو أنا و عمك بكة ح نشتكيك، و اكرم ليك تقيف براك !!