[أبوبكر عباس]

المشاركة الأصلية كتبت بواسطة خالد غالي

يابابكر قصة انو في جن وشياطين دي حاجة اكيدة مامحتاجة نقاش لانها مذكورة في القرآن، وانت اظنك مسلم ومؤمن بالقرآن موش كده؟ الا اذا قررت خلاص تعترف بالحادك بعد كده ممكن نناقشك في الشواهد العقلية وما الى ذلك
اها فكرة اتصالهم بينا نحن البشر دي في روايات كتيرة جدا وقصص من واقعنا ومن ناس بنعرفهم، اخرها قصة خال الرشيد البتكلم فرنساوي، وبيت ناس البروف المسكون الابا يحكي لينا قصتو لمن وقفوهو ده ، والمشتكي الجا لي عادل عسوم في غرفتو واتونس معاهو، اها انت مشكلتك مابتصدق الكلام الا تشوف بي عينك، كان شفت برضو مابتصدق انا عارفك، عشان كده قاعد اقول ليك ماتنكر الحاجات نكرانا مبينا وخلي ليك فرقة لي عقلك يستوعب بيها لو طلعت نظرياتك دي غلط عشان ماتجن!!

موضوع البوست يا خالد:

الشيطان والجنّ...قوم يساكنونا هذه الارض!

- لحدي هسع أنا ناكر تواجدهم معنا في الأرض وتقاطع حياتهم مع حياتنا
جيب لينا قصصك اتّا، الرشيد سألناهو أسئلة تفتيشية ولم يجب عليها حتى الآن

- لو كلامي طلع غلط برجع هنا وبقول للناس أعفوا لي كنت غلطان، الصعب شنو؟

ليش أكون أنا ماشي لمرحلة الإلحاد؟ وما يكون فهمكم للدين وراثي ساكت؟