[رأفت ميلاد]

المشاركة الأصلية كتبت بواسطة قرقاش

رافت ادانى احساس بانه هو من النوع البتكون هديته لى ولده فى سن التمنتاشر سنه شنطه فاضيه وعنوان لاقرب هوتيل ولا موتيل ..
ولايمكن من النوع الممكن ولده يقول ليه ..العطشان يقوم يشرب براه ...اقصد انه ديمقراطى زياده عن الحد ... اقول تختلف نفوس البشر فكما قيل فيهم القط وفيهم الاسد وفيهم الفار ..فكيف نسوسهم بقانون واحد ( بدون قاضى ليقدر الامور ) .. يحرم عليه شئ ويبيح لهم شئ ..صعب ماتبحث عنه يارافت .. صعب ..ولاانا خلطان

سلامات يا قرقاش وكايسك بالكواسة .. العيدية وصلت عمارى نمرة الله يقدرنا على جزاك ورد الجميل

غايتو نقرتنى .. لكن أطمنك مافى واحد من العيال بقدر يقول لى قوم أشرب براك .. عشان بقوم أعمل حاجاتى براااى .. وبالمقابل كل واحد حر نفسو فى حدود التانين .. ناصر يوسف قال ماش يعمل فينا كتاب

أرجع لكلامك بتاع أختلاف نفوس البشر ودى حقيقة وليست معضلة .. وهنا تظهر مهمة التدريب وهى تلقين للعمل بتوضيح الواجبات والحقوق يجانب الأداء وده بنسميه التخصص.

زمان كانت جامعة السودان أسمها (المعهد الفنى) .. بالتحديد قسم المحاسبة ولا أعرف نظام باقى الكليات ولكنها عندها برامج مشابهة .. كلية المحاسبة والبنوك فى العام الدراسى (أعتقد الثالث) يُبتعثون ثلاثة أشهر لمصر دراسة عملية ونظرية .. وفى عام التخرج يلتحقون ثلاثة أيام فى الأسبوع تحت التمرين فى الشركات البنوك وثلاثة أيام نظرى تقريباً طوال السنة
كانت الشركات والبنوك تطاردهم مثل لعيبة الكورة وأغرائهم بالعمل معهم وبرواتب مجزية .. خرجى جامعة الخرطوم رغم تخرجهم بـ(بكروليا) وناس المعهد بـ(دبلوم) .. خريجى الجامعة يحكوا يجى 3 سنوات عشان يدخلوا الفورمة

دى تجربة خضتها كشاهد عليها أبان عملى مع (عبد اللطيف والطيب وشركاهم محاسبون قانونيين) الله يطراهم بالخير وأحمل لهم الجميل الى يوم الدين .. الأستاذ عبد اللطيف حسن عبد اللطيف والأستاذ الطيب محد فضل الله متعهما الله بالصحة .. والأستاذ محمد صالح إبراهيم رحمه الله وأكرمه

فكرة التخصص يا قرقاش فى أذهاننا شيى فوق الدراسات العليا .. ولكنه شي ملازم كل وظيفة يعطيها قيمتها وحسن أدائها وهكذا يكون رقي الأوطان


أعرف الحديث أسهل من التطبيق ولكن لابد منه