اقتباس:
المشاركة الأصلية كتبت بواسطة ود الخير
شكراً يا أخ عادل وانشاء الله ما تشوف شر
ويشهد الله إني أقراء لك من 2007 والى الآن
ما حصل ولا بالغلط قريت ليك مداخلة او مشاركة
فيها( ميل أو عوج) لا في حرف أو فكرة....ودا السبب الخلاني
أحتار في كلمة البروف وإحتمال والله أعلم يكون هو نفسه الكلمه دي فاجأتو
لانو تبرير انو الكلمة جات كردة فعل ما مقنعه...
 غايتو هو لو إشتكاك أنا دربي دا ماشي
أشتكي الفاتح(شليل) في بوست الكاركتير المسحوب من جانب المشرفين!! |
العفو ياحبيب
صدقني ياودالخير ناس شليل والجيلي ديل الواحد (أخد) على أن الأصل في مداخلاتهم وكتاباتهم لل(آخر) هو الشتيمة...لكن فعلا شليل وهو(وزير ثقافة سودانيات)
المرة دي أضاف ليها كاريكاتيرات كمان
أجمل ما في هذه الأسافير أنها تبقى اما شافعة بالخير أو غامطة بالسوء لكل منا بما نهرقه فيها من حبر أفكارنا ومراداتنا ياعزيزي...
فالمرء -من قبل-قد كان مخبوءا في لسانه لكنه اليوم-في عوالم هذه الأسافير-مخبوء في (كيبورده)!
خلي الشكوى لله